ميرپور بٺورو ۾ ڳوٺاڻن جو بااثرن ۽ پوليس جي مبينا زيادتين خلاف احتجاج

ڪجهه ڏينهن اڳ جهيڙِي دوران نياز پليجو مارجي ويو هو، جنهن ۾ غلام حيدر ملاح گرفتار ٿيو هو: ڳوٺاڻا

سجاول (رپورٽر) ميرپور بٺورو ۾ ملاح برادري جي نظير ملاح، حاجي ملاح هاشم ملاح جي اڳواڻي ۾ بااثرن ۽ حد جي پوليس جي ناانصافين خلاف احتجاجي مظاهرو ڪيو ويو، ٻنون جي ڳوٺ صوف پليجو جي رهواسين پريس ڪلب ميرپور بٺورو پهچي احتجاج ڪندي ميڊيا جي نمائندن کي ٻڌايو ته ڪجهه مهينا اڳ نشي جي حالت ۾ اسان جي نوجوانن ۽ پليجن جي نوجوانن ۾ جهيڙو ٿي پيو جنهن ۾ نياز پليجو قتل ٿي ويو هو، ان دوران پوليس ڪارروائي ڪري قتل ۾ ملوث جوبدار غلام حيدر ملاح کي گرفتار ڪري ورتو جيڪو جيل ۾ قيد آهي، هاڻي پليجا برادري جا ماڻهو امير پليجو، عبدالله، صوف پليجو اسان جي گھرن ۾ زبردستي داخل ٿي اسان جي عورتن ٻارڙن مٿان تشدد ڪري گهرن کي باهه ڏئي ساڙي ڇڏيو آهي جنهن جي رپورٽ اسان ٻنون ٿاڻي تي داخل ڪرائڻ لاءِ وياسين ته ٿاڻي تي موجود ايس ايڇ او اسان کي ڌڪا ڏئي ٿاڻي مان ڪڍي ڇڏيو، هنن ڊي آئي جي حيدرآباد ايس ايس پي سجاول ۽ ٻين وس وارن عملدارن کان مطالبو ڪيو ته نوٽيس وٺي ساڻن انصاف ڪري کين تحفظ فراهم ڪيو وڃي،