ٺٽو پوليس پاران منشيات فروشڻ خلاف سرچ آپريشن، 11 ڄڻا گرفتار

پوليس منشيات، ڏوهن جي عادي مجرمن، گٽڪا، مين پڙيون وڪرو ڪندڙن خلاف ڪارروائيون ڪيون

ٺٽو( شفيق ڀٽي)ٺٽو پوليس پاران سرچ آپريشن ذريعي 10 گٽڪا وڪرو ڪندڙ جوابدار ۽ 1 منشيات فروش سميت 11 جوابدار گرفتار، مٿن ڪيس داخل، گرفتار جوابدارن وٽان گٽڪي مائي جا 2400 پيڪيٽ، 360 ڪلو گٽڪو، 1 ڪرولا ڪار، 1 رڪشا لوڊر، 1 موٽرسائيڪل ۽ 450 گرام چرس هٿ ڪيو ويو. ايس ايس پي ٺٽو ڊاڪٽر محمد عمران خان جي حڪم تي آءِ جي سنڌ غلام نبي ميمڻ ۽ ڊي آءِ جي حيدرآباد رينج طارق رزاق ڌاريجو جي هدايتن تي ٺٽو پوليس منشيات، ڏوهن جي عادي مجرمن، گٽڪا، مين پڙيون وڪرو ڪندڙن خلاف ڇاپامار ڪارروائين جو سلسلو جاري، ايس ايس پي ٺٽو جي حڪم تي ٺٽو، گهارو، ڌاٻيجي، ساڪرو، ڳاڙهو، ڪيٽي بندر ۾ سي آءِ اي ٺٽو پوليس مختلف هنڌن تي ڪارروايون ڪري 10 گٽڪا وڪروڪندڙ، محمد نياز بروهي، محمد عثمان جوکيو، غلام شبير جاکرو، گلزار ملاح، محمد عثمان ڪنڀار، دائود ملاح، امان الله خاصخيلي، رحمت الله عرف ٽپي پٺاڻ، رحمت الله عرف ڪارو ملاح، قربان علي جوکيو ۽ هڪ منشيات فروش مامون گندرو کي گرفتار ڪري ورتو. گرفتار جوابدارن جي قبضي مان 2400 پيڪيٽ گٽڪا ماوا، 360 ڪلو گٽڪا گُٽڪي جو مٽيريل، 1 ڪرولا ڪار، 1 رڪشا لوڊر، 1 موٽرسائيڪل ۽ 450 گرام چرس هٿ ڪري گٽڪا ايڪٽ ۽ نارڪوٽڪس ايڪٽ تحت لاڳاپيل پوليس اسٽيشنن تي. الڳ الڳ ڪيس داخل ڪيا ويا آهن.