نئون ديرو:سعدو ديرو وٽ چورن جي فائرنگ ۾ ڀاڳيو مارجي ويو

ڳوٺ غازي شر ۾ چورن جي فائرنگ ۾ محمد پناهه شر مارجي ويو: پوليس

نئون ديرو(رپورٽر) نئون ديرو لڳ سعدو ديرو وٽان چورن جي فائرنگ ۾ هڪ ڄڻو قتل، عاقل واسي محمد پناھ عرف جهانگي پٽ پيرل شر چورن جو پيڇو ڪندي آمهون سامهون ٿي ويا مزاحمت تي چورن فائرنگ ڪري گولي هڻي قتل ڪري ڇڏيو ۽ فرار ٿي ويا اطلاع تي نئون ديرو پوليس پهچي لاش کڻائي نئون ديرو اسپتال پهچايو جتي پوسٽ مارٽم ڪرائڻ بعد لاش وارث ڳوٺ عاقل کڻائي ويا، پوليس جو چوڻ هو ته ڌامراھ ٿاڻي جي حد ڳوٺ غازي شر مان رات چور مينهن چوري ڪري فرار ٿي رهيا هئا ته شر برادري جي ماڻهن انهن جو پيڇو ڪيو چورن ۽ ڀاڳين ۾ اٽڪاءُ ٿي پيو جنهن دوران چورن جي فائرنگ ۾ هڪ ڀاڳيو مارجي ويو آهي. چورن کان مينهن نئون ديرو پوليس ڇڏائي ورتي آهي ۽ چورن جو پيڇو جاري آهي چورن جو پيرو ڪچي طرف وڃي رهيو آهي. پوليس سان گڏ ڀاڳيا به پيري پٺيان آهن .