نوشھروفيروز ۾ ڳوٺ سينگار فاؤنڊيشن طرفان برٽش ڪاؤنسل جي سهڪار سان تقريب منعقد

نوشهروفيروز(ڊ ر)نوشھرو فيروز ۾ نوجوانن جي اڳواڻي ۾ ڪيل عملن جي نمائش واري تقريب ڳوٺ سينگار فاؤنڊيشن طرفان برٽش ڪاؤنسل جي سهڪار سان پاڪستان يوٿ ليڊرشپ انيشيئٽو پروجيڪٽ تحت تقريب منعقد ڪئي وئي. ھن پروجيڪٽ تحت نوجوانن مختلف موضوعن تي ڪم ڪيو، جن ۾ وڻ پوکڻ، پاڻي بچائڻ توانائي، ۽ اسڪولن ۽ ڪاليجن ۾ ماحولياتي تبديليءَ جي تعليم شامل آھن.ھن تقريب دوران نوجوانن کي پنهنجي ڪاميابين ڏيکارڻ لاءِ هڪ پليٽ فارم مهيا ڪيو ويو، جتي انهن پنهنجا اسٽال لڳائي پنهنجا عمل پيش ڪيا. تقريب ۾ اسٽالن جو دورو ڪندڙ معزز مھمانن ۾ سماجي ڀلائي کاتي جي اسسٽنٽ ڊائريڪٽر سجاد ميمڻ، پروفيسر محمد بچل ڪاڪيپوٽو برٽش ڪائونسل جي نعمان علي، ڳوٺ سينگار فاؤنڊيشن جي چيئرمين ولي محمد بوزدار، چيف ايگزيڪيوٽو نذير احمد اڄن، سپنا ستارا، ضلعي ڪوآرڊينيٽر امير علي، ۽ صفيا نذير شامل هئا، جن نوجوانن جي ڪم ۽ ڳوٺ سينگار فاؤنڊيشن جي ڪردار جي واکاڻ ڪئي تقريب جي پڄاڻي تي شاگردن ۾ سرٽفڪيٽ پڻ ورھايا.