سنجهورو ٿاڻي جي حد ڊپٽي ڳوٺ وٽان سم نالي ڀرسان اڻڄاتل ناري جو لاش هٿ

views | 04th Dec 2024 • سنڌي خبرون

ناري جي جسم تي تيزاب هاريل آهي، لاش ڀرسان گولين جا 2 خول به مليا آهن: پوليس

سنجهورو ٿاڻي جي حد ڊپٽي ڳوٺ وٽان سم نالي ڀرسان اڻڄاتل ناري جو لاش هٿ

سنجهورو: سنجهوري ٿاڻي جي حد ڊپٽي ڳوٺ ۽ 24 چڪ ويجهو سم نالي ڀرسان نامعلوم عورت جو لاش ھٿ , سنجهورو پوليس سرزمين تي پهچي لاش پوسٽ مارٽم لاء تعلقہ سول اسپتال سنجهورو منتقل ڪري ڇڏيو ,

سنجهورو پوليس مطابق اڄ صبح جو مقامي ڌنارن سم نالي ڀرسان ديوي جي وڻن ۾ عورت جو لاش ڏسڻ بعد پوليس کي اطلاع ڪيو ,

سنجهورو پوليس مطابق عورت جي ڇاتي ۽ جسم تي تيزاب پڻ هاريل آهي ۽ سندس لاش ڀرسان گولين جا 2 خول پڻ مليا آهن ۽ موٽرسائيڪل جي ٽائرن جا نشان پڻ آهن جنهن مان لڳي ٿو ته عورت کي گهران موٽر سائيڪل تي ويهاري ڳوٺ ٻاهريان سم نالي ڀرسان قتل ڪيو ويو آهي ,

سنجهورو پوليس مطابق اڃا تائين عورت جي سڃاڻپ نه ٿي سگهي آهي ۽ نه ئي سندس وارثن مان ڪو همراه پهتو آهي , عورت جي لاش جو پوسٽ مارٽم هلندڙ آهي ۽ پوليس معاملي جي وڌيڪ جانچ ڪري رهي آهي.