ڪراچي جو سينيئر صحافي بخت عباسي لاڏاڻو ڪري ويو، مڙھھ اباڻي ڳوٺ منتقل

سينيئر صحافي بخت علي عباسي ڪافي عرصي کان دل جي تڪليف ۾ مبتلا ھو

ڪراچي(رپورٽر) سينيئر صحافي ۽ ڪراچي پريس ڪلب جو ميمبر بخت علي عباسي دل جي تڪليف سبب لاڏاڻو ڪري ويو، ڪراچي پريس ڪلب جي صدر، سيڪريٽري ۽ گورننگ باڊي جي ميمبرن پاران ڏک جو اظھار، ڪالھھ سينيئر صحافي بخت علي عباسي ڪافي عرصي کان دل جي تڪليف ۾ مبتلا ھو، سندس علاج پڻ جاري ھو، انھي حوالي سان بخت عباسي اين آءِ سي وي ڊي ۾ علاج لاءِ داخل ھو، ڪالھھ صبح جو خانگي ٽي وي چينل سانلاڳاپيل نوجوان صحافي بخت عباسي دل جي ڌڙڪن بند ٿيڻ سبب دم ڌڻي حوالي ڪيو، بخت علي عباسي جي جنازي اختر ڪالوني جي بيت المڪرم مسجد ۾ ادا ڪئي وئي، جنازي نماز ۾ ڪراچي پريس ڪلب جو سيڪريٽري شعيب احمد، جوائنٽ سيڪريٽري محمد منصف، گورننگ باڊي جي ميمبرن شمس ڪيريو، نور محمد ڪلھوڙو، ڪراچي يونين آف جرنلسٽ جي طاھر حسن خان، ڪي يو جي دستور جي صدر حامد الرحمان، سينيئر صحافين نصر الله جمالي، نعمت خان، فاوق سميع، لياقت رانا، عظمت الله، وحيد گل ميمڻ، خالد پنھور، شبير لاشاري، ذوالفقار واھوچو، جاويد مھر، قاضي اعجاز، نظير ميمڻ، اسحاق سرڪي، الھھ رکيو جمالي، ممتاز جمالي، زوهيب زرداري، امداد سومراھ، بشير ميرجت، سڪندر ڀٽو، ثناء الله هاشماڻي، نظام الدين ڀٽو، بخت عباسي جي سئوٽن انور علي عباسي علائقي جي معزز شھرين وڏي انگ ۾ جنازي نماز ۾ شرڪت ڪئي. ھوڏانھن ڪراچي پريس ڪلب جي صدر سعيد سربازي، سيڪريٽري شعيب احمد ۽ گورننگ باڊي جي ميمبرن ڪراچي پريس ڪلب جي ميمبر سينيئر صحافي بخت علي عباسي جي لاڏاڻي تي ڏک جو اظھار ڪيو ۽ مرحوم جي مغفرت لاءِ دعا ڪئي، جڏھن تھ سينيئر صحافين مقصود يوسفي، امتياز فاران، فاضل جميلي، ارشاد کوکر، ماجد سنديلو، ماڻڪ ڪنگراڻي، واحد موسيٰ ڀٽو، ماجد سمون، منصور کوکر، ڪرم علي شاھھ، لياقت عباسي، شبير سومرو ۽ ٻين بخت علي عباسي جي لاڏاڻي تي ڏک جو اظھار ڪيو ۽ مغفرت لاءِ دعا گھري.