سلیم آفریدی کے ساتھ ماضی کے مزاحیہ اداکار شہزاد رضا بھی جلوہ گر ہوں گے
کراچی (وسیم قریشی) مزاحیہ فنکار سلیم آفریدی کراچی میں مزاحیہ ڈرامہ پیش کریں گے۔
سلیم آفریدی کے ساتھ ماضی کے مزاحیہ اداکار شہزاد رضا بھی جلوہ گر ہوں گے۔
تفصیلات کے مطابق مزاحیہ اداکار سلیم افریدی نے کراچی اسٹیج کی رونق کے بحال کرنا شروع کر دی ہیں۔سلیم آفریدی منگل 19 نومبر کو ڈرامہ پیش کرینگے۔ان کے ساتھ لیجنڈ مزاحیہ اداکار شہزاد رضا کے علاوہ دیگر نامور مزاحیہ اداکار بھی شامل ہیں۔اسٹیج پر ڈرامہ دیکھنے والے شوقین حضرات نے کراچی اسٹیج ڈرامے کی رونقیں بحال ہوتی ہوئی دیکھ کر مثبت قیاس آرائیاں شروع کر دی ہیں۔مزاحیہ اداکار سلیم آفریدی کا کہنا ہے کہ کراچی کے لوگ طرح طرح کی مشکلات کا شکار ہے ایسے ماحول میں کسی کے چہرے پہ مسکراہٹ بکھیرنا کسی بہت بڑی نیکی سے کم نہیں۔مزاحیہ اداکار سلیم آفریدی نے عوام سے گذارش کی ہے کہ ہم کراچی تھیٹر کی رونقیں بحال کرنے کے لئے میدان عمل میں نکل چکے ہیں اپنے چہرے پہ مسکراہٹ بکھیرنے اور کہہ کے لگانے کے لئے منگل 19 نومبر کو ضرور تشریف لائیں۔واضح رہے کہ کراچی میں لیجنڈ مزاحیہ اداکار عمر شریف کے انتقال کے بعد اسٹیج ڈراموں کی رونقیں ماند پڑ گئی تھیں مگر مزاحیہ اداکار سلیم آفریدی نے ایک بار پھر کراچی اسٹیج کی رونق کے بحال کر دی ہیں
0 تبصرے