عمرڪوٽ ۾ بجير برادري پاران ڍاٽ جي راڻا پ پ ايم پي اي راڻا ھمير سنگھ سوڍو جي مان ۾ آجياڻو

پ پ جي منشور تي عمل ڪندي ترقياتي منصوبن تي عمل پيرا آهيون: راڻا ھمير سنگھ سوڍا

عمرڪوٽ(رپورٽ:ڪانجي مل رکيسر) ڍاٽ جي راڻا پ پ پ ايم پي اي راڻا ھمير سنگھ سوڍو کي بجير برادري طرفان آجياڻو، شڪريا ادائي تقريب ڪوٺائي ويئي، شاندار آتشبازي پڻ ٿي خبر موجب ڍاٽ جي راڻا پ پ ايم پي اي راڻا ھمير سنگھ سوڍو کي ھندو بجير برادري ستارا آباد عمرڪوٽ پاران ڪالوني جي سي سي روڊن جي تعمير مڪمل ٿيڻ تي آجياڻو ۽ شڪريا ادائي تقريب ڪوٺائي ويئي ان موقعي تي پ پ ايم پي اي راڻا ھمير سنگھ طرفان سنڌ حڪومت کان منظور ڪرايل مڪمل ٿيل سي سي روڊ جو افتتاح پڻ ڪيو ويو تقريب ۾ ايم پي اي راڻا همير سنگھ سوڍو سان گڏ پبلڪ هيلٿ عمرڪوٽ جي ايڪسيئن صدام حسين مري، ايم سي ڪائونسلر رميش رتناڻي، يوسي نيوڇور چيئرمين ھرچند دوداڻي، مھراج چيتن جوشي، سيٺ گيمرو مل، اتم سنگراسي، پي ايس راڻا همير سنگھ سوڍو جي پرسنل سيڪريٽري ڪنول موھن لال، ڀڳوانداس جٽيا، انجنئير ڪنھيا موھن لال رتناڻي، وڪيل ڀورالال ڀيل، ڪامريڊ يوسف نھڙي سميت ڪيترين ئي برادرين جي معزز شخصيتن شرڪت ڪئي راڻا ھمير سنگھ سوڍا تقريب کي خطاب ڪندي چيو ته پيپلزپارٽي جو بنيادي منشور عوام کي بنيادي حقن جي فراهمي آهي، ۽ هو هن منشور تي عمل ڪندي ترقياتي منصوبن تي عمل پيرا آهي. هن اعلان ڪيو ته ايندڙ پنجن سالن ۾ عمرڪوٽ ۾ ترقياتي منصوبن جو ڄار وڇايو ويندو، جنهن سان علائقي جا رهواسي بنيادي سهولتن مان فائدو وٺندا هن ٻڌايو ته پي پي جي گذريل اليڪشن ۾ ڪاميابي جي جواب ۾ هن واعدو ڪيو هو ته عمرڪوٽ ۾ ترقياتي ڪم جاري رکيا ويندا، ۽ سال جي شروعات ۾ ئي ڪيترن ئي علائقن ۾ منصوبن تي ڪم شروع ڪيو ويو آهي هن موقعي تي ڪالوني واسين پاران آتشبازي جو شاندار مظاهرو پڻ ڪيو ويو بجير برادري جي معزز شخصيتن سميت پوري ڪالوني جي ماڻھن وڏي انگ م شرڪت ڪري گلن جي ورکا ڪري استقبال ڪيو ويو ۽ ٿورا مڃيندي چيو ته اسان ڍاٽ جي راڻا پ پ ايم پي اي راڻا ھمير سنگھ سوڍو جا انتھائي گھڻا شڪر گذار آھيون جن سنڌ حڪومت کان اسان لاء روڊ جو بنيادي مسئلو حل ڪرايو آھي ۽ شھر جي ڪيترن ئي علائقن ۾ پڻ ايم پي اي راڻا ھمير سنگھ سوڍو طرفان منظور ڪرايل ترقياتي ڪمن جو تيزي سان ڪم جاري آھي اھڙي عوامي خدمتن کي ڪڏھن به وساري نٿو سگھجي