ٹرائلز سابقہ ٹیسٹ کرکٹر جاوید میانداد، شعیب محمد اور فیصل اقبال لیں گے۔ عاطف مقبول
کراچی (اسپورٹس رپورٹر) کرکٹ کونسل USA, محمّد افضل قریشی نے پاکستانی کرکٹرز کے لیے ایک شاندار موقع فراہم کیا ہے جس کے تحت USA اوپن کرکٹ پریمیئر لیگ کے ٹرائلز اور سلیکشن کیمپس کراچی میں منعقد ہوں گے۔ یہ ٹرائلز 07 نومبر 2024 دوپہر 2 بجے، کراچی کے TMC گراؤنڈ پر ہونگے اور کامیاب کھلاڑیوں کو امریکہ میں ہونے والی اس پریمیئر لیگ میں شرکت کا موقع ملے گا۔ USA اوپن کرکٹ پریمیئر لیگ 14 سے 21 دسمبر 2024 تک امریکہ میں منعقد کی جائے گی۔
جس میں دنیا بھر سے بہترین کھلاڑی حصہ لیں گے۔ میڈیا کوارڈینیٹر کاشف احمد فاروقی کے مطابق پاکستانی کھلاڑیوں کے لیے یہ موقع اپنی صلاحیتوں کو منوانے کا بہترین ذریعہ ہے۔
ٹرائلز میں سلیکٹ هونے والے کھلاڑیوں کو اہلیت کے اصول کے مطابق امیدواروں کے پاس ایک درست امریکی ویزا ہونا لازمی ہے۔ رجسٹریشن کے لیے کھلاڑی [www.cricketusopen.com](http://www.cricketusopen.com) پر جا کر اپنا نام درج کرواسکتے ہیں۔ سلیکشن کا عمل تین مراحل پر مشتمل ہوگا:
پہلے مرحلے میں کراچی میں ٹرائلز ہوں گے، اس کے بعد کوالیفائنگ راؤنڈ منعقد ہوگا اور آخر میں حتمی انتخاب کیا جائے گا۔ تاکہ بہترین کھلاڑیوں کو USA اوپن کرکٹ پریمیئر لیگ کے لیے منتخب کیا جا سکے۔ یہ ٹرائلز پاکستانی کھلاڑیوں کے لیے عالمی سطح پر اپنی صلاحیتیں دکھانے اور اپنی کرکٹ کا معیار ثابت کرنے کا ایک سنہری موقع ہیں۔ رجسٹریشن جلدی کروانے کی ہدایت کی گئی ہے۔ کیونکہ رجسٹریشن کا عمل جلد ختم ہو جائے گا۔ مزید معلومات اور رجسٹریشن کے لیے [www.cricketusopen.com](http://www.cricketusopen.com) پر وزٹ کریں۔
رابطے کے لیے عاطف مقبول، 03362418410 آصف شمس اور ناصر عبداللہ سے رابطہ کیا جا سکتا ہے۔ ٹرائلز سابقہ ٹیسٹ کرکٹر جاوید میانداد، شعیب محمد اور فیصل اقبال لیں گے۔
کرکٹ کونسل USA, محمّد افضل قریشی کی جانب سے مزید معلومات کے لیے سوشل میڈیا پر بھی اپ ڈیٹس دی جا رہی ہیں۔ فیس بک، ٹوئٹر اور انسٹاگرام پر @CricketUSOpen کو فالو کرکے تازہ ترین خبروں سے باخبر رہا جا سکتا ہے۔
0 تبصرے