ڪراچي ۾ اغوا ٿيل پريا ڪماري ۽ نويد لاشاري جي آزادي لاءِ احتجاجي مظاھرو،ڌرڻو

ڪراچي ۾ اغوا ٿيل پريا ڪماري ۽ نويد لاشاري جي آزادي لاءِ احتجاجي مظاھرو،ڌرڻو

ڪراچي (رپورٽر)ڪراچي پريس ڪلب ٻاهران پريا ڪماري بازيابي ڪميٽي طرفان معصوم نياڻي پريا ڪماري جي آزادي لاءِ ڌرڻو هنيو ويو. 2 سال اڳ اغوا ٿي ويل معصوم نويد لاشاري جي وارثن ڀيڻ شمائلا لاشاري ۽ ڀاءُ وحيد لاشاري پاران به مغوي نويد لاشاري جي آزادي لاءِ احتجاج ۾ شريڪ ٿي ويا.ڌرڻي ۾ 2 مهينا اڳ گم ٿي ويل 9 سالا سويرا چانڊيو جي امڙ روزينا طرفان به پنهنجي نياڻي جي ڳولا لاءِ احتجاج ڪيو ويو.احتجاجي مظاهري ۾ شريڪ ماڻهن طرفان هٿن معصوم پريا ڪماري ۽ معصوم نويد لاشاري جون تصويرون کڻي سندس جي بازيابي لاءِ سخت نعريبازي ڪندا رهيا. احتجاجي جي مظاهري جي اڳواڻي ڪندڙ لياقت جلباڻي، يونس مهر، عاليا بخشل آفاق ڀٽي، سهڻي پارس مهيش ڪمار ۽ ٻين چيو آهي ته سنڌ اندر اغواڪاريون وڌي رهيون آهن سنڌ حڪومت خاموش بڻيل آهي، معصوم ٻارڙا اغوا ٿي رهيا آهن، 2 سال اڳ معصوم ٻارڙو نويد لاشاري جيڪب آباد مان اغوا ڪيو ويو جيڪو هن وقت تائين بازياب نه ٿي سگهيو آهي. هنن وڌيڪ چيو ته ڪراچي مان 2 مهينا اڳ نياڻي سويرا چانڊيو گم ٿي وئي آهي جيڪا هن وقت تائين نه ملي سگهي آهي، پريا ڪماري لاءِ جوڙيل ڪميٽي ڪجهه به نه ڪري سگهي آهي، پريا جي امڙ طرفان ڏنل 15 ڏينهن جو وقت پورو ٿي ويو آهي هاڻ پريا جي امڙ جيڪو به اعلان ڪندي سندس سان گڏ آهيون. هنن مطالبو ڪيو ته جلد کان جلد معصوم پريا ڪماري، معصوم نويد لاشاري، سويرا چانڊيو کي آزاد ڪرايو وڃي، شهيد صحافي نصرالله گڏاڻي جي قتل ۾ ملوث مک قاتلن کي گرفتار ڪيو وڃي.