قمبر ۾ ايم اي آر ايف آرگنائيزيشن پاران ماءُ جي ٿڃ جي اهميت اجاگر ڪرڻ بابت عالمي هفتو ملهائڻ جي شروعات

قمبر ۾ ايم اي آر ايف آرگنائيزيشن پاران ماءُ جي ٿڃ جي اهميت اجاگر ڪرڻ بابت عالمي هفتو ملهائڻ جي شروعات

قمبر (رپورٽر) ايم اي آر ايف آرگنائيزيشن (مرف) پاران ماءُ جي ٿڃ جي اهميت اجاگر ڪرڻ بابت عالمي هفتو ملهائڻ جو آغاز قمبرضلعي کان ڪيو ويو آهي. پهرين آگسٽ کان شروع ٿيل ورلڊ بريسٽ فيڊنگ ويڪ جي سلسلي ۾ سڄو هفتو مختلف جاڳرتا پروگرام منعقد ڪيا ويندا. افتتاحي ڏهاڙي جي موقعي تي سي ايم ڊبليو اسڪول ۾ سيمينار ۽ ڊي ايڇ ڪيو اسپتال قمبر ۾ جاڳرتا واڪ ڪئي وئي، ماءُ جي ٿڃ جي اهميت اجاگر ڪرڻ بابت سيمينار توڙي واڪ ۾ شرڪت ڪندڙن ۾ ڊي ايڇ او ڊاڪٽر شاهنواز جتوئي، آغا معبود علي، سينيئر مئنيجر ايم اي آر ايف، ضلعي فوڪل پرسن نيوٽريشن ۽ اي ڊي ايڇ او قمبر ڊاڪٽر سيد حبيب شاهه، MNCH جي فوڪل پرسن ڊاڪٽر نسرين، ڊپٽي مينيجر پي پي ايڇ آءِ هزار خان ، سرسو جي ڊپٽي مينيجر وحيد ميمڻ ، نديم شاهه، ڊاڪٽر ايم يوسف ، وقار سومري سميت ليڊي هيلٿ ورڪرز، مختلف اين جي اوز جي نمائدن، يونيسيف جي ٽيم ميبرن ۽ شهرين وڏي انگ ۾ شرڪت ڪئي. ان موقعي تي ڳالهائيندي مقررن جو چوڻ هو ته ٻار لاءِ ماءُ جي ٿڃ سڀ کان بهترين خوراڪ آهي، تنهنڪري هر ماءُ گهٽ ۾ گهٽ ٻن ورهين تائين ٻار کي پنهنجو کير پياري.