ٽنڊوآدم جي ريلوي اسٽيشن جي پليٽ فارم تي مسافرن لاءِ لڳل بجليءَ جا پنکا گذريل ڪيترن ئي سالن کان غائب،

ٽنڊوآدم جي ريلوي اسٽيشن جي پليٽ فارم تي مسافرن لاءِ لڳل بجليءَ جا پنکا گذريل ڪيترن ئي سالن کان غائب،

ٽنڊو آدم( حسنين عاشق ساند) ٽنڊوآدم جي اسٽيشن جي پليٽ فارم تي مسافرن لاءِ لڳل بجليءَ جا پنکا گذريل ڪيترن ئي سالن کان غائب، ريل گاڏيءَ جي انتظار ۾ ويهندڙ مسافرن پريشانيءَ کي منهن ڏئي رهيا آهن. ڊويزنل اليڪٽرڪ ڪراچي کي شڪايتون ڏنيون پر ڪوبه کڙتيل نه نڪتو. اسٽيشن ماسٽر. رپورٽ موجب گذريل 9 سالن کان ٽنڊو آدم اسٽيشن جي پليٽ فارم تي مسافرن کي هوا ڏيڻ لاءِ ڇت جا 10 پنکا غائب آهن، ان سلسلي ۾ شهرين رضا محمد، علي رضا، محمد عثمان، نانڪ رام سيجواڻي ۽ ٻين اسٽيشن ماسٽر محمد هاشم ميمڻ کي شڪايت ڪئي. اهڙي شڪايت بعد ميڊيا ٽيم پهچي تفصيل ورتا. ان موقعي تي اسٽيشن ماسٽر ميڊيا وارن کي ٻڌايو ته اسان ڪافي ڀيرا ڊويزنل اليڪٽرڪ انچارج ڪراچي کي لکت ۾ شڪايتون ڪري ڄاڻائي چڪا آهيون پر ڪو به کڙتيل نه نڪري سگهيو، واقعي قهر جي گرمي آهي مسافرن کي تمام گهڻي پريشاني ڏسڻي پئجي رهي آهي. رابطي ڪرڻ تي ڊويزنل اليڪٽرڪ ڪراچي امتياز احمد سان رابطو ڪيو ويو ۽ شڪايت ڪئي وئي هن چيو ته مونکي پهريان خبر نه هئي ڪجهه ڏينهن جي مهلت ڏيو ته ٽنڊو آدم اسٽيشن جي پليٽ فارم تي مسافرن جي سهولت لاءِ بجليءَ جا پنکا لڳائي ڏيون ٿا. ذريعن کان معلوم ٿيو آهي ته مسافرن جي سهولت لاءِ پليٽ فارم تي لڳل بجليءَ جا پنکا اسسٽنٽ اسٽيشن ماسٽر ۽ بي ڪيبن جو پنکو خراب هئڻ جي صورت ۾ پليٽ فارم تان پنکا ڪڍي انهن جي آفيس ۾ لڳايا ويا آهن. پليٽ فارم تي موجود مسافرن پڻ مطالبو ڪيو آهي ته ٽنڊو آدم جي اسٽيشن تي فور طور تي بجليءَ جا پنکا لڳا وڃن ته جئين ريل گاڏيءَ جي انتظار ۾ ويٺل مسافر پريشاني کان محفوظ رهي سگهن.