پيرڳوٺ ڀرسان جاگيراڻي ۽ سولنگي ڌرين ۾ هلندڙ ڪارنهن تڪرار تان فائرنگ ۾ عورت قتل، هڪ ڄڻو زخمي

پيرڳوٺ ڀرسان جاگيراڻي ۽ سولنگي ڌرين ۾ هلندڙ ڪارنهن تڪرار تان فائرنگ ۾ عورت قتل، هڪ ڄڻو زخمي

خيرپور (رپورٽر) پيرڳوٺ ڀرسان جاگيراڻي ۽ سولنگي برادري جي ٻن ڌرين ۾ ڪارنهن تڪرار تان ڇڪتاڻ برقرار، ڌرين جي هٿياربندن جي فائرنگ ۾ هڪ عورت قتل، هڪ زخمي، علائقي ۾ خوف واري صورتحال. پيرڳوٺ ڀرسان ڪوٽ پل واري علائقي ۾ جاگيراڻي ۽ سولنگي برادري جي ٻن ڌرين ۾ ڪارنهن جي تڪرار تان ڇڪتاڻ برقرار، . ٻنهي ڌرين جي هٿياربند ماڻهن پاران هڪ ٻئي مٿان جديد هٿيارن سان فائرنگ ڪئي وئي آهي. جنهن جي نتيجي ۾ جاگيراڻي برادري جي عورت فهميده جاگيراڻي مارجي وئي آهي. جڏهن ته سولنگي برادري جو نوجوان آصف علي سولنگي گوليون لڳڻ سبب سخت زخمي ٿي پيو آهي. ان سلسلي ۾ جاگيراڻي برادري جي ماڻهن جو چوڻ آهي ته سولنگي برادري جي هٿياربندن ڳوٺ تي چڙهائي ڪري جديد هٿيارن سان فائرنگ ڪئي جنهن ۾ گوليون لڳڻ سبب اسان جي عورت فهميده قتل ٿي وئي آهي، وڏا ماڇيون پوليس بروقت اطلاع ڏيڻ باوجود واقعي واري هنڌ ناهي پهتي. ٻئي طرف سولنگي برادري جي ماڻهن جو چوڻ آهي ته جاگيراڻي ڌر جي ماڻهن اسان مٿان حملو ڪري فائرنگ ڪئي آهي جنهن ۾ اسان جو نوجوان آصف سولنگي سخت زخمي ٿي پيو آهي. وڏا ماڇيون پوليس رابطو ڪرڻ تي ٻڌايو ته عورت جي قتل ۽ نوجوان جي زخمي ٿيڻ جا اطلاع مليا آهن، پوليس واقعي واري هنڌ رواني ٿي وئي آهي، واقعي واري هنڌ پهچڻ بعد حقيقتن جي خبر پوندي