سياست ۽ سياسي پارٽين جي سموري ڄاڻ آهي ته ڪير ڇا ڪري رهيو آهي؟: جونيئر ذوالفقار علي ڀٽو

سياست ۽ سياسي پارٽين جي سموري ڄاڻ آهي ته ڪير ڇا ڪري رهيو آهي؟: جونيئر ذوالفقار علي ڀٽو

خيرپور(ڊ ر) شهيد مير مرتضي ڀٽو جو پٽ جونيئر ذوالفقار علي ڀٽو سيد ڪاظم علي شاهه جي دعوت تي خيرپور پهتو، ان موقعي تي ميڊيا سان ڳالهائيندي هن چيو ته مان في الحال سياست کان ٻاهر آهيان پر سياست ۽ سياسي پارٽين جي سموري ڄاڻ آهي ته ڪير ڇا ڪري رهيو آهي ھن چيو ته آئون سموري سياسي صورتحال کان واقف آهيان پر منهنجي ترجيح سنڌي عوام ۽ سنڌ جو هاري آهي ھن چيو ته سئو سيڪڙو انڌي ٻلهڻ سنڌو درياهه ۾ رهي ٿي ۽ سنڌ جو سئو سيڪڙو عوام سنڌو درياهه تي ڊپينڊ ڪري ٿو ٻلهڻ سنڌو درياهه جي خوشحاليءَ جي علامت آهي جيڪڏهن درياهه ۾ ٻلهڻ موجود آهي ته ان جو مطلب آهي ته درياهه جو پاڻي صاف، گهرو ۽ استعمال جي لائق آهي ھن چيو ته منهنجو ۽ منهنجي آرگنائيزيشن جو مقصد جهنگلي حيات آهي مان سمجهان ٿو ته انسان ۽ جهنگلي حيات جو پاڻ ۾ گهاٽو لاڳاپو آهي جيڪڏهن اسان جون دليون بي زبانن لاءِ کليل آهن ته هر ڪنهن لاءِ کلي سگهن ٿيون ھن چيو ته سٺين توڙي خراب حالتن ۾ آئون سنڌي عوام سان گڏ آهيان ھن چيو ته اسرائيلي شيطان جي پيداوار آهن جيڪي فلسطيني مسلمانن مٿان بي انتها ظلم ڪري رهيا آهن فلسطيني مسلمان الله جي طرف آهن انشاءاللہ اسرائيلي دنيا جي نقشي تان مٽجي ويندا ھن چيو ته مان سياست ۾ ان ڪري حصو نه پيو وٺان ڇو جو هن ملڪ ۾ جيڪا سياست هلي رهي آهي اها هڪ راند ۽ ڊرامي واري سياست آهي، منهنجو ڪم وائلڊ لائيف آهي منهنجي ڏاڏي جي ڀي دلچسپي وائلڊ لائيف ۾ هئي هو به چوندو هو ته ماڻهن کي اهو نه چئو ته مون کي ووٽ ڏين بلڪه انهن کي سوشلزم ۽ آئڊيولوجي ڏيکاريو