همايون شريف ڀرسان معرفاڻي- ڀيا تڪرار ٻيهر ڀڙڪي پيو، زال مڙس سميت 3 ڄڻا قتل، وارثن جو لاش رکي ڌرڻو

254 views | 26th Apr 2024 • سنڌي خبرون

همايون شريف ڀرسان معرفاڻي- ڀيا تڪرار ٻيهر ڀڙڪي پيو، زال مڙس سميت 3 ڄڻا قتل، وارثن جو لاش رکي ڌرڻو

شڪارپور(رپورٽر) همايون شريف ڀرسان معرفاڻي- ڀيا تڪرار ٻيهر ڀڙڪي پيو، زال مڙس سميت 3 ڄڻا قتل، وارثن جو لاش رکي ڌرڻو، ھٿياربندن جي فائرنگ ۾ لابارو ڪندڙ نويد ڀيو، سندس زال فاطمھ ۽ ڀاڄائي نانا خاتون زال نثار ڀيو قتل ٿي ويا، مقتولن جا لاش اسپتال منتقل ڪيو ويو، جتان ضروري ڪارروائي بعد ھمايون شريف ۾ رکي ڌرڻو ھنيو ويو، مقتولن جي وارثن ھمايون شريف بعد مقتولن جا لاش شڪارپور منتقل ڪري زيرو پوائنٽ وٽ ڌرڻو ھنيو ويو، سندن وارثن جو چوڻ ھو تھ امتياز شيخ جي پٽ فراز شيخ معرفاڻي ڌر جي ھٿياربندن ھٿان اسان جا ماڻھو مارايا آھن، ٽن ڪلاڪن تائين ڌرڻو ھڻڻ بعد پ پ اڳواڻ عابد ڀيو مقتولن جي وارثن سان فون تي رابطو ڪري ڌرڻو ختم ڪرائي ڇڏيو، مظاھرين جو چوڻ ھو تھ عبدالرحمان معرفاڻي ڌر جي 20 کان 25 ھٿياربندن حملو ڪري زال مڙس ۽ ڀاڄائي کي قتل ڪيو پر پوليس ڏوھارين خلاف ڪارروائي ڪرڻ لاء تيار ناھي