ڪشمور ۽ ڀرپاسي وڌندڙ بدامني خلاف ۽ مغوين جي بازيابي لاءِ احتجاجي ريلي ڪڍي وئي

ڪشمور ۽ ڀرپاسي وڌندڙ بدامني خلاف ۽ مغوين جي بازيابي لاءِ احتجاجي ريلي ڪڍي وئي

ڪشمور(دلبر جاني)ڪشمور ضلعي ۽ ڀرپاسي وارن علائقن اندر بدامني، ڦُرجي وارداتن اغوا برائي تاوان جي وڌندڙ وارداتن ۽ ضلعي اندر امن امان لاءِ سولنگي ينگ اتحاد ۽ ٻين سياسي سماجي تنظيمن پاران ريلي ڪڍي وئي خبر موجب :گذريل ڏينهن ڪشمور اندر وڌندڙ بدامني سان گڏوگڏ چاٻي چورن ۽ اغوا برائي تاوان خلاف سولنگي ينگ اتحاد جي اڳواڻن چيئرمين ينگ اتحاد ڪشمور ساجن سولنگي، اصغر علي سولنگي، عبدالغفور سولنگي، شاهنواز سولنگي، شبير خان سولنگي صحافي مهراب علي سولنگي، شهزادو سولنگي، ۽ شهرين وڏي انگ ۾ شرڪت ڪئي، ريلي سولنگي ھائوس ڪشمور کان ڪڍي وئي جيڪا شهر جي مختلف رستن کان ٿيندي مسلم بازار مسلم بازار پھتي جتي سولنگي ينگ اتحاد جو شاندار استقبال ڪيو ويو ان موقعي تي شھري اتحاد شھري ايڪشن ڪاميٽي سياسي ۽ سماجي توڙي صحافي برادري جي اڳواڻن ۽ وڏيري منظوار خان کوسو ديشي نظير مزاري حاڪم ڀٽي ۽ محمد زمان دايو خطاب ڪندي چيو ته هر آئي ڏينهن ڪشمور اندر فائرنگ ڦر ۽ چوري جي وارداتن ۾ اضافو ٿيندو پيو وڃي جڏهن ته ڌاڙيلن طرفان ڪاروبارين کان فون ذريعي ڀتي جي گهُر ڪرڻ ۽ نه ڏيڻ جي صورت ۾ سندن گهرن مٿان فائرنگ پڻ ڪئي پئي وڃي جڏهن ته پوليس طرفان ڏوهارين خلاف ڪابه عملي ڪاروائي نه پئي ڪئي وڃي هنن مطالبو ڪيو ته ڪشمور اندر امن امان بحال ڪرائڻ لاءِ عملي قدم کنيا وڃن ته جيئن شهرين جي جان ۽ مال جو تحفظ يقيني بڻجي سگهي