سنڌڙي ۾ نوجوان ناري جو احتجاج، مڙس تي تشدد ۽ نازڪ عضوي ۾ مرچ وجھڻ جو الزام

سنڌڙي ۾ نوجوان ناري جو احتجاج، مڙس تي تشدد ۽ نازڪ عضوي ۾ مرچ وجھڻ جو الزام

سنڌڙي لڳ ڳوٺ ۾ مڙس پاران زال تي تشدد ۽ عورت جي نازڪ عضوي ۾ مبينا طور مرچون وجھڻ جو الزام، متاثرن پاران ڪاروائي ۽ انصاف جي گھر، خبر موجب سنڌڙي لڳ ڳوٺ ابراهيم مري جي رهواسڻ ٻن ٻارن جي ماءُ ڪويتا ڀيل پنهنجي امڙ ۽ ٻين مائٽن سان گڏ دانهيندي پنهنجي مڙس مٿان الزام هنيو آهي ته ٽي ڏينهن اڳ هو پنهنجن مائٽن ۾ ويل هئي ته صبح مهل گھر ڀاتي ڪمن تي ويل هئا آءُ گھر ۾ اڪيلي هئس ته سندس مڙس يامين عرف جامي ڀيل گھر ۾ داخل ٿي ڪمرو بند ڪري کيس سخت تشدد جو نشانو بنائڻ بعد عورتن واري نازڪ عضوي ۾ مرچون ڀري ڇڏيو تڪليف ٿيڻ تي مون پاران رڙيون ڪرڻ تي مڙس فرار ٿي ويو جڏهن ته پاڙي وارن مائٽن جي مدد سان مون کي سول اسپتال پهچايو جتي ٻه ڏينهن علاج هيٺ رهيس هنن چيو ته مڙس جي ظلم جي خلاف حد جي دلبر مهر ٿاڻي تي وياسين پر پوليس ڪنهن قسم جو ڪيس داخل نه ڪري رهي آهي ۽ نه وري مڙس کي گرفتار ڪري رهي آهي هنن چيو ته پورو ڳوٺ گواھ آهي ته هن کان اڳ به سخت تشدد ڪندو رهندو هو پر هن ڀيرو هن ظلم ڪيو آهي هنن آءِ جي سنڌ، ڊي آءِ جي، ايس ايس پي ميرپورخاص ۽ ٻين اختيارين کان مطالبو ڪيو ته زال تي وحشياڻو تشدد ڪندڙ مڙس خلاف ڪاروائي ڪري کين انصاف ۽ تعفظ فراهم ڪيو وڃي ان حوالي سان رابطو ڪرڻ تي دلبر مهر ٿاڻي جي ايس ايڇ او عبدالرزاق جمالي چيو ته عورت ڪويتا پنهنجي ڀاءُ پريتم سان گڏ مڙس خلاف دانهيون هو اسان کيس ميڊيڪل رپورٽ ۽ علاج لاءِ ليٽر ڏيئي سول اسپتال موڪليو هو اسان کي ميڊيڪل رپورٽ ناهي ملي، هن چيو ته عورت جي شڪايت ملڻ تي سندس مڙس کي گرفتار ڪرڻ لاءِ پوليس به موڪلي هئي پر هو فرار ٿيل آهي جنهن جي گرفتاري لاءِ ڇاپا هنيا پيا وڃن. ميڊيڪل سرٽيفڪيٽ ۾ الزام جي تصديق ٿيڻ تي ڪيس درج ڪيو ويندو وڌيڪ جاچ ڪري رهيا آهيون،