ايندڙ عام چونڊن ۾ سنڌ جو عوام ڪرپٽ اميدوارن کي نظرانداز رد ڪري ڇڏيندو: اياز لطيف پليجو

ايندڙ عام چونڊن ۾ سنڌ جو عوام ڪرپٽ اميدوارن کي نظرانداز رد ڪري ڇڏيندو: اياز لطيف پليجو

حيدرآباد(رپورٽر) قومي عوامي تحريڪ جو سربراھ پي ايس 60 قاسم آباد تڪ جي اميدوار اياز لطيف پليجو اليڪشن ورڪ ڪندي ڳوٺ ٻاڳھل، واڻڪي وسي، ڳوٺ محمد بخش شورو پھتو جتي سوين ڳوٺاڻن گلن جي ورکا ڪري شاندار استقبال ڪيو اجرڪن، لنگهين ۽ سنڌي ٽوپين جا تعفا ڏنا. ڪارنر گڏجاڻين کي خطاب ڪندي قومي عوامي تحريڪ جي سربراھ اياز لطيف پليجي چيو تہ پيپلزپارٽي ۽ زرداري ٽولو سنڌ لاءِ عذاب بڻجي وئي آهي، پي ايس 60 قاسم آباد تڪ جا وڏي تعداد ۾ ڳوٺ اڃان تائين گئس جي بنيادي سهولت کان محروم آهن. پيئڻ جو صاف پاڻي ناهي، روڊ ناهن، صحت جي سهولت ناهي، تعليم کان محروم آهن. اياز لطيف پليجي چيو تہ 8 فيبروري سنڌ جي خوشحالي، ميرٽ،امن، انصاف ،حق ۽ سچ جو ڏينهن ثابت ٿيندو. پيپلزپارٽي ۽ زرداري ٽولي گذريل ٻوڏ ۾ سنڌ سرڪار هٿ وٺي ٻہ ڪروڙ ماڻهن کي ٻوڙي دربدر ڪيو، شهرن جا شهر ٻوڙايا ويا، اڄ ڏينهن تائين ٻوڏ متاثرن جي ڪابہ واهر نہ آهي. پيپلز پارٽي پنهنجي گذريل حڪومتي دور دوران سنڌ کي عوام کي بک، بدحالي، بيروزگاري، بدامني ۽ لاقانونيت کان سواءِ ڪجھ نہ ڏنو.اياز لطيف پليجي چيو تہ پيپلزپارٽي ۽ زرداري ٽولو سنڌ جي عوام کي پنھنجو غلام سمجھن ٿا. ھي صرف اقتدار حاصل ڪرڻ لاء عوام دوستي ۽ جمھوريت جو ڪوڙو ڍونگ ڪن ٿا، پيپلزپارٽي ۽ زرداري ٽولي وٽ سنڌ جي غريب عوام لاء ڪو احساس ناھي، اقتدار ھنن جو ڪاروبار آھي ھي ڪروڙين روپيا اليڪشن ۾ خرچ ڪري اربين روپيا ڪمائي سنڌ جي ماڻھن کي ڪنگال ڪري ڇڏيو آهي. اياز لطيف پليجي چيو تہ پيپلزپارٽي اجھي لٽي جا ڪوڙا نعرا هڻي سنڌ جون زمينون، ڪارونجهر ٻيٽ، پاڻي ۽ وسيلا وڪڻي ڇڏيا، ميرٽ جي لتاڙ ڪئي.سنڌ کي تباھ ۽ برباد ڪندڙ پيپلزپارٽي ۽ زرداري مافيا آهي جنهن پنهنجي مسلسل پندرهن سالن جي اقتداري دور دوران سنڌ کي تباهي ڪرپشن کان سواءِ ڪجھ نہ ڏنو.پيپلز پارٽي سدائين سنڌي ماڻهن کان ووٽ وٺي پوءِ انهن جي پٺي ۾ خنجر ھڻيندي آهي، سنڌ جي وسيلن کي تين وال ڪندي آهي زرداري مافيا ۽ پيپلزپارٽي نٿي چاهي تہ سنڌ جا ماڻهو ترقي ڪن ۽ خوشحال واري زندگي گذارين.اياز لطيف پليجي چيو تہ ٻھراڙيون سئي گيس ۽ پيئڻ جي صاف پاڻي جي سھولت کان محروم آھن. لکين ماڻھو ھيپاٽائيٽس جو شڪار آھن. نياڻين جي اعلي تعليم جا دروازا بند آھن. صحت جون بنيادي سھولتون ناھن. شھر ڪچري جو ڍير بنيل آھن. اياز لطيف پليجي چيو تہ سنڌ مان تيل ۽ گئس نڪري ٿو جيڪو سڄو ملڪ استعمال ڪري ٿو پر قدرتي وسيلن وارن ضلعن جون ٻھراڙيون گئس جي بنيادي سھولت کان محروم آھن. اياز لطيف پليجي چيو تہ سنڌ جي اڪثر ضلعن ۾ زمين جو پاڻي زھريلو ٿي ويو آھي. پيئڻ جو صاف پاڻي نہ ھجڻ ڪري لکين ماڻھو سنکيو مليل زھريلو پاڻي پيئڻ تي مجبور آھن، جنھنڪري ھيپاٽائيٽس ۽ ٻيون بيماريون پکڙجي ويون آھن. حڪومت ٻھراڙين ۾ پيئڻ جي صاف پاڻي جي فراهمي جو منصوبو جوڙي. اياز لطيف پليجي چيو تہ سنڌ ۾ تعليمي ادارن جي حالت رحم جوڳي آھي. شھرن جي اسڪولن جي ڀيٽ ۾ ٻھراڙيون تعليم ۾ پٺٽي پيل آھن. سنڌ جي ترقي لاءِ تعليمي نظام کي بھتر بنايو وڃي. ٻھراڙي جي اسڪولن ۾ فرنيچر جي کوٽ ختم ڪري سھولتون ڏنيون وڃن. خاص طور نياڻين جي تعليم کي بھتر ڪيو وڃي. تعليم سان ئي سنڌ ترقي ڪري سگھي ٿي.