ڏوڪري ويجھو ڪوھيڙي سبب حادثو، ھڪ پرائمري استاد فوت، ٻيو زخمي

ڏوڪري ويجھو ڪوھيڙي سبب حادثو، ھڪ پرائمري استاد فوت، ٻيو زخمي

ڏوڪري (اظهر ميمڻ) ڏوڪري ڀرسان سخت ٿڌ ۽ ڪوھيڙي سبب ڊيوٽي تي ويندڙ ٻن استادن سان حادثو،ھڪ پرائمري استاد فوت ٻيو پرائمري استاد سخت زخمي،خبر موجب ڏوڪري ڀرسان ڳوٺ گل محمد هيسباڻي جو رھواسي پرائمري استاد نصير محمد هيسباڻي ھڪ ٻئي استاد مشتاق ھيسباڻي سان گڏجي موٽر سائيڪل ذريعي ڳوٺ گل محمد ھيسباڻي کان ٽاٽڙي ڳوٺ اسڪول طرف ڊيوٽيء تي اچي رھيو ھو ته رستي ۾ سخت ڪوھيڙي سبب ڇانيل تيز ڌنڌ جي ڪري سندس موٽر سائيڪل ۽ سامھون ايندڙ گڏھ گاڏي جو اوچتو ٽڪر ٿي پيو جنھن جي نتيجي ۾ ٻئي استاد سخت زخمي ٿي پيا طلاع ملڻ تي وارث واقعي واري هنڌ پھچي کين علاج لاء ڏوڪري تعلقي اسپتال ڏانھن کڻائي وڃي رهيا هئا ته زخمن جا سور نه سھندي رستي ۾ ئي پرائمري استاد نصير محمد ھيسباڻي فوت ٿي ويو جڏھن ته ٻئي زخمي پرائمري استاد مشتاق ھيسباڻي کي اسپتال داخل ڪرايو ويو ھوڏانھن فوت ٿيل پرائمري استاد نصير محمد ھيسباڻي جو لاش گھر پهچڻ تي ڪھرام پئجي ويو.