مٺي ويجھو ڳوٺ پاٻوھر ۾ پاٻوهر يوٿ فورم طرفان پنجون سائنسي ۽ تعليمي ميلو منعقد

مٺي ويجھو ڳوٺ پاٻوھر ۾ پاٻوهر يوٿ فورم طرفان پنجون سائنسي ۽ تعليمي ميلو منعقد

مٺي(رپورٽر) مٺي ويجھو ڳوٺ پاٻوهر ۾ پاٻوهر يوٿ فورم طرفان پنجون سائنسي ۽ تعليمي ميلو منعقد ڪيو ويو جنهن ۾ مختلف اسڪولن جي ٻارڙن ۽ ڳوٺ واسين وڏي انگ ۾ شرڪت ڪئي. مختلف ڪلاسن جي شاگردن مختلف قسمن جا سائنسي ماڊلز پيش ڪري ڏسندڙن کي حيرت ۾ وجهي ڇڏيو. اُن موقعي تي مختلف اسڪولن کان آيل ٻارڙن گيت، ڊانس، ٽيبلوز ۽ تقريرون پيش ڪيون، فيسٽيول ۾ مختلف ڳوٺن جي شاگردن ۽ استادن پڻ شرڪت ڪئي، سائنسي ۽ تعليمي ميلي ۾ ڳالهائيندي، ڪلارام هميراڻي چيو تہ پاٻوهر يوٿ جا نوجوان جس لهن جنهن ايڏو وڏو تاريخي ڪم ڪيو آهي.رامچند شيواڻي چيو تہ شاگردن جا ماڊلز ڏسي پڪ ٿي آهي تہ اسانجو مستقبل روشن آهي. وڪيل رائيسنگھ سوڍي چيو تہ اهڙا سائنسي ۽ تعليمي ميلا ٿيڻ کپن تہ جيئن ٻارڙن جي بهترين نشونما ٿي سگهي، هُن وڌيڪ چيو ته اهڙا فيسٽيول سال ۾ هڪ ڀيرو نه پر وڌيڪ ٿيڻ کپن تہ جيئن اسانجي گُلن جهڙن ٻارڙن کي اڳتي وڌڻ جا موقعا ملن، هُن چيو ته منهنجي ڳوٺ جي نوجوانن مان مونکي اُميدون آهن ته اهي نوجوان هڪ ڏينهن منهنجي ڳوٺ جو نالو پوري مُلڪ ۾ روشن ڪندا. ھوتچند لکاڻي چيو ته پاٻوھر جي نوجوانن ٻارڙن کي اڄ اھڙو پليٽ فارم مھيا ڪيو آھي جنھن جي اڄ جي دور ۾ تمام گھڻي ضرورت آھي، ماستر بچل هاليپوٽي چيو ته ٿر جي ٻھراڙي ۾ اھڙو سائنسي ۽ تعليمي فيسٽيول ڏسي انتھائي گھڻي خوشي ٿي آھي، ھن پي واءِ ايف جي نوجوانن کي جس ڏيندي چيو ته اھڙا پروگرام معاشري جي سڌاري ۾ اھم ڪردار ادا ڪن ٿا، پيپلزپارٽي جي صدر انجنيئر گيانچند چيو ته اڄڪلھ جي ٽيڪنالاجيءَ جي دور ۾ اھڙن پروگرامن جي تمام گھڻي ضرورت آھي، اسين اھڙا پروگرام ڪري پنھنجي معصومن جي علم جي اڃ اجھائي سگھون ٿا، اختتامي تقرير ڪندي پي واءِ ايف جي صدر اشوڪ ماڌاڻي سڀني جا ٿورا مڃيا، پروگرام ۾ ڪيلاش لوڍا، مھتاب سوٽھڙ، ڪشور جوڌاڻي، دولت اگراڻي، راجيندر چنداڻي، سروپ کتري، لو مالاڻي، اسلم بجير سميت سوين استادن، ڳوٺاڻن شرڪت ڪئي، آخر ۾ پوزيشن حاصل ڪندڙ شاگردن ۾ شيلڊون، سرٽيفڪيٽ ۽ انعام ورهايا ويا.