ڏوڪري ڀرسان دڪاندار کان لکين روپيا ڦر، شھرين ۽ دڪاندارن جو ڌرڻو

ڏوڪري ڀرسان دڪاندار کان لکين روپيا ڦر، شھرين ۽ دڪاندارن جو ڌرڻو

ڏوڪري/ موھن جو دڙو (رپورٽرز وٽان) ڏوڪري ڀرسان ايئرپورٽ ٿاڻي جي حد مانڊيون اسٽاف وٽ ڏينھن ڏٺي جاويد مشوري جي ڪرياني جي دڪان تي ٻه موٽر سائيڪلن تي آيل 6 نامعلوم ھٿيار بند ڦورو چڙھائي ڪري ھٿيارن جي ڏڍ تي دڪان مالڪ جاويد مشوري کي يرغمال بڻائي دڪان مان اٽڪل 8 لک رپيا روڪ رقم،ٻه موبائيل فون توڙي ٻيو قيمتي سامان ڦرلٽ ڪري فرار ٿي ويا واقعي سبب علائقي ۾ خوف پکڙجي ويو ھوڏانھن متاثر دڪاندار ۽ ڳوٺاڻن ايئر پورٽ ٿاڻي جي پوليس جي نااھلي ۽ واقعي جي خلاف موھن جو دڙو-لاڙڪاڻو روڊ بلاڪ ڪري سخت احتجاجي مظاھرو ڪري شديد نعريبازي ڪئي احتجاج سبب موھن دڙو روڊ تي ٽريفڪ ھڪ ڪلاڪ تائين معطل ٿي وئي احتجاج ڪندڙن دانھيو ته اسان ۽ اسان جو ڪاروبارو ڏوھارين جي نشاني تي اچي ويو آھي تنھن ڪري اسان عدم تحفظ جو شڪار ٿي ويا آھيون ھنن دانھيو ته ھاڻي اسان جو ڪاروبار غير محفوظ ٿي ويو آھي پر پوليس غفلت جي ننڊ ستل آھي ھنن ڊي آء جي ايس ايس پي لاڙڪاڻو توڙي ٻين اعليٰ اختيارين کي چتاءۡ ڏيندي مطالبو ڪيو ته واقعي جو سخت نوٽيس ورتو وڃي ڦر ٿيل رقم ۽ سامان جلد واپس ڪرائي ملوث ڏوھارين کي گرفتار ڪري اسان کي انصاف ڏياريو وڃي نه ته ايس ايس پي آفيس لاڙڪاڻو اڳيان احتجاجي ڌرڻو ھنيو ويندو.