ڏھرڪي ۾ اوباش نوجوان پاران مسلسل تنگ ڪرڻ سبب نوجوان ناري زندگي جو انت آڻي ڇڏيو

ڏھرڪي ۾ اوباش نوجوان پاران مسلسل تنگ ڪرڻ سبب نوجوان ناري زندگي جو انت آڻي ڇڏيو

ڏهرڪي(عمران علي ملڪ ) ڏهرڪي ۾ اوباش نوجوان خلاف ڪاروائي لاءِ پوليس وٽ دانهيندڙ شادي شده عورت ٽن ٻارن جي ماءَ انصاف نه ملڻ تي مايوسي وچان نشي آور گوريون کاهي پنهنجي زندگي جو انت آڻي ڇڏيو پوليس پاران اوباش نوجوان ۽ سندس وينگارو پوليس اهلڪارن خلاف ڪيس داخل ڪرڻ کان انڪار ڪرڻ تي فوتي عورت جي وارثن جو لاش کڻي ٿاڻي آڏو 3 ڪلاڪن تائين ڌرڻو اوباش نوجوان ۽ سندس وينگارو بڻيل پوليس اهلڪارن خلاف قتل ڪيس داخل ڪري گرفتار ڪرڻ جو مطالبو ڊي ايس پي اوٻاوڙو مظاهرين وٽ پهچي فوتي عورت جي وارثن کان انصاف جي خاطري ڪرائي احتجاج ختم ڪرايو پوليس ڪاروائي ڪندي اوباش نوجوان عبدالحميد چاچڙ کي گرفتار ڪري مٿان عورت جي قتل جو ڪيس داخل ڪري ڇڏيو، خبر موجب ڏهرڪي شهر جي امام بارگاره واسڻ شادي شده ٽن ٻارن جي ماءَ 26 سالا سعديه زال عبدالحميد سومرو پاران اوباش نوجوان عبدالحميد چاچڙ خلاف ڪاروائي لاءِ پوليس ۽ ميڊيا وٽ دانهيندي نيٺ انصاف نه ملڻ تي مايوسي وچان نشي آور گوريون کاهي ڇڏيون جنهن کي وارثن پاران بيهوشي واري حالت ۾ کيس ڳڻتي جوڳي حالت ۾ رحميارخان جي اسپتال ۾ ني ويو جتي هو فوت ٿي وئي جنهن بعد فوتي عورت جي وارثن پاران فوتي عورت سعديه جو لاش کڻي ڏهرڪي ٿاڻي آڏو 3 ڪلاڪن تائين ڌرڻو هينو ان موقعي تي فوتي عورت جي بيواه ماءَ مائي تاج سومرو دانهيندي ٻڌايو ته اوباش نوجوان عبدالحميد چاچڙ سندس ڌي سعديه کي گذريل ڪيتري ئي عرصي کان دوستي لاءِ تنگ ڪندو جنهن خلاف آئون ڌي سعديه سان گڏجي انصاف لاءِ پوليس ۽ ميڊيا وٽ دانهيو پر دانهڻ باوجود پوليس سندس ڌي کي انصاف فراهم ڪرڻ بدران الٽو اوباش نوجوان عبدالحميد چاچڙ جي وينگارو بڻجي الٽو اسان جي گهر تي چڙهائي ڪري سعديه جي مڙس عبدالحميد سومرو کي گرفتار ڪرڻ جي ڪوشش ڪئي جنهن بعد پوليس جي اهڙي جي عمل تي سندس ڌي مايوسي وچان گهر ۾ نشي آور گوريون کاڌيون جنهن بعد هو بيهوش ٿي وئي جنهن کي اسان بيهوشي واري حالت ۾ رحميارخان کڻي وياسون پر هو اسپتال ۾ فوت ٿي وئي آهي هن چيو ته جيڪڏهن پوليس ڌي جي زندگي زهر ڪندڙ اوباش نوجوان عبدالحميد چاچڙ خلاف ڪاروائي ڪري ها ته سندس ڌي انتهائي قدم کڻڻ تي مجبور نه ٿئي ها هن ايس ايس پي گهوٽڪي ۽ اعلي اختيارين کان مطالبو ڪيو ته سندس ڌي جي حياتي کسيندڙ اوباش نوجوان عبدالحميد چاچڙ ۽ سندس وينگارو بڻيل پوليس اهلڪارن خلاف قتل ڪيس داخل ڪري کيس گرفتار ڪري اسان کي انصاف فراهم ڪيو وڃي هوڏانهن فوتي عورت جي وارثن پاران مسلسل احتجاج ڪرڻ تي ڊي ايس پي اوٻاوڙو قلندر بخش سومرو مظاهرين وٽ پهچي فوتي عورت جي وارثن کان انصاف جي خاطري ڪرائي احتجاج ختم ڪرايو جنهن بعد پوليس ڪاروائي ڪندي اوباش نوجوان عبدالحميد چاچڙ کي گرفتار ڪري مٿان ڪيس داخل ڪري ڇڏيو آهي