سجاول ڊگري ڪاليج ۾ منشيات جي خاتمي جي حوالي سان آگاھي سيمينار منعقد

20 views | 14th Dec 2023 • سنڌي خبرون

سجاول ڊگري ڪاليج ۾ منشيات جي خاتمي جي حوالي سان آگاھي سيمينار منعقد

سجاول (گلشيرميربحر) ڊگري ڪاليج ۾ منشيات جي خاتمي ۽ شاگردن کي منشيات واپرائڻ جي نقصان کان آگاهه ڪرڻ لاءِ سيمينار منعقد ڪيو ويو. سيمينار ۾ ڊپٽي ڪمشنر سجاول عبدالواجد شيخ، ايس ايس پي سجاول شهلا قريشي سميت وڏي تعداد ۾ ڪاليج جي شاگردن ۽ استادن شرڪت ڪئي. ان موقعي تي ڊي سي سجاول عبدالواجد شيخ ۽ ايس ايس پي سجاول شهلا قريشي ڳالهائيندي چيو ته اڄ جا شاگرد اسان جي مستقبل جا معمار آهن، نوجوان نسل منشيات جي عادي ٿي رهيو آهي، جنهن تي ضابطو آڻڻ انتهائي ضروري آهي، ان ڪري آگاھي مھم ھلائڻ سان گڏوگڏ منشيات فروشن خلاف عملي ڪارروائي ڪرڻ پڻ ضروري آھي. انھن چيو ته پوليس سميت ٻيا ادارا به سماج مان منشيات جي خاتمي لاءِ ڏينهن رات ڪم ڪري رهيا آهن، نوجوان نسل کي منشيات جي استعمال کان روڪڻ جي هر ممڪن ڪوشش ڪئي ويندي. ان سلسلي ۾ شهرين، سماجي ڪارڪنن ۽ خدمت خلق رکندڙ رضاڪارن جو ڪردار انتهائي اهم آهي. سيمينار ۾ نوجوان نسل کي منشيات جي عادت کان بچڻ ۽ ان جي استعمال کي ڇڏي ڏيڻ بابت تربيتي ليڪچر ڏنا ويا.