نوشھروفيروز ۾ شھيد جان محمد مھر جي قاتلن جي گرفتاري لاءِ احتجاجي ريلي

133 views | 19th Dec 2023 • سنڌي خبرون

نوشھروفيروز ۾ شھيد جان محمد مھر جي قاتلن جي گرفتاري لاءِ احتجاجي ريلي

نوشهروفيروز(رپورٽر) شھيد صحافي جان محمد مھر جا قاتل گرفتار نه ڪرڻ خلاف احتجاج سنڌ جرنلسٽس ايڪشن ڪميٽي ۽ پي ايف يو جي جي سڏ تي ريلي نوشهروفيروز يونين آف جرنلسٽس پاران ريلي زاهدقائمخاني،مظهرخاصخيلي،زاهدراڄپر،شاهدسومرو، وقارراڄپر،حافظ عبدالحق پهنور،شوڪت علي شاهه ،فقيرميهربيهڻ،آفتاب ڪيريو،راڻا ستار ۽ ٻين جي اڳواڻي ۾ مھراڻ چوڪ کان پريس ڪلب تائين ڪڍي وئي ريلي ۾ ضلعي نوشهروفيروز جي ننڍن وڏن شهرن مان صحافين جي وڏي انگ شرڪت ڪئي اڳواڻي ڪندڙن چيو ته جان محمد مھر جا قاتل گرفتار نه ٿيڻ شرم جوڳي ڳالهه آھي شھيد صحافي جا قاتل فوري گرفتار ڪيا وڃن شھيد صحافي جا قاتل گرفتار نه ٿيا ته احتجاج جو دائرو وڌائيندي 23 ڊسمبر تي سموري ملڪ جي پريس ڪلبن جيان نوشهروفيروز پريس ڪلب اڳيان پڻ بک هڙتال ڪئي ويندي ۽ اسان جو احتجاج ان وقت تائين جاري رهندو جنهن وقت تائين حڪومت حق سچ لکندڙ صحافي جي قاتلن کي گرفتار نٿي ڪري