ٺٽي ۾ جھمپير جي ڳوٺ علي محمد جانوري واسين جو احتجاج

ٺٽي ۾ جھمپير جي ڳوٺ علي محمد جانوري واسين جو احتجاج

ٺٽو(ڊ ر) جهمپير ڪوهستان جي ڳوٺ علي محمد جانوري جي رهواسين علي محمد جانوري حاڪم علي جانوري معشوق علي جانوري ۽ ٻين عوامي پريس ڪلب ٺٽو ۾ پريس ڪانفرنس ڪندي چيو آهي ته جهمپير ٿاڻي جي پوليس بااثرن جي چرچ تي سندن خلاف بلاجواز رڻ ٻاري ڪوڙا ڪيس داخل ڪري کين ڪوڙن ڪيسن ۾ ڦاسائي ڇڏيو آهي جانوري برادري جي ماڻهن چيو ته جهمپير ۾ هو سوين سالن کان آباد آهن جتي هنن جو ڳوٺ ۽ زمينون آهن جن تي ڪجھ مقامي بااثر ماڻهن سان هنن جو تڪرار آهي جنهن ڪري جهمپير پوليس بااثرن جي ونگار وهندي تازو گذريل ٻه ڏينهن اڳ جهمپير شهر ۾ هوٽل تي ويٺل سندن نوجوان اشرف جانوري کي جهمپير ٿاڻي جي پوليس ڌاڙيلن جيان کنڀي کڻي وئي هئي جنهن جي آزادي لا۽ جهمپير پوليس وارثن کان ٻه لک رشوت گهري پر هنن وٽ ٻه لک نه هئا جنهن سبب پوليس سندن نوجوان اشرف جانوري پرتشدد ڪري سندس مٿان موٽرسائيڪل چوري جي بلاجواز ايف آئي آر ڪري ڇڏي آهي جيڪا سراسر ڪوڙي ايف آئي آر داخل ٿي آهي پوليس بنا موٽرسائيڪل رڪور ڪرڻ جي سندن نوجوان مٿان ڪوڙو ڪيس داخل ڪيو آهي جڏهن ته ان کان پهرين به جهمپير پوليس هنن جي ماڻهن مٿان بلاجواز ٽي ڪوڙا ڪيس داخل ڪيا جيڪي عدالتن ۾ ڪوڙا ثابت ٿيا آهن هنن چيو ته جهمپير پوليس سراسر بااثرن جي چرچ تي انتقامي ڪاروائين جي بنيادن تي سندن مٿان ظلم جي انتها ڪري ڇڏي آهي جانوري برادري جي ماڻهن آئي جي سنڌ ڊي آئي جي حيدرآباد ايس ايس پي ٺٽو سميت چيف جسٽس سنڌ ها۽ ڪورٽ کان پاڻمرادو نوٽيس وٺي جهمپير پوليس طرفان داخل ڪيل ڪيسن جي انڪوائري ڪرائي ساڻن انصاف جو مطالبو ڪيو آهي