نگران صوبائي وزير ڊاڪٽر جنيد شاهه ۽ مسز اسماء شاهه جي سرپرستي هيٺ ڪرڪيٽ ٽورنامينٽ جو منعقد

نگران صوبائي وزير ڊاڪٽر جنيد شاهه ۽ مسز اسماء شاهه جي سرپرستي هيٺ ڪرڪيٽ ٽورنامينٽ جو منعقد

ڪراچي(رپورٽر) سنڌ جي راندين ۽ نوجوانن جي معاملن کاتي جي ايڊيشنل سيڪريٽري محمد توفيق پهرين بال سان کيڏي ڪري اڄ صبح جناح ڪرڪيٽ گرائونڊ ناظم آباد نمبر 5 ۾ جناح ٽرافي ٽورنامينٽ جو افتتاح ڪري ڪري ڇڏيو. ان موقعي تي مسز اسماء شاهه پڻ موجود هئي، جڏهن ته راندين ۽ نوجوانن جي معاملن واري کاتي جا لاڳاپيل آفيسر ۽ نوجوان رانديگرن جو وڏو انگ موجود هو. ان موقعي تي ٻڌايو ويو ته جناح ڪرڪيٽ ٽرافي کي نگران صوبائي وزير راندين، نوجوانن جي معاملن، ثقافت، نوادرات ۽ آرڪائيوز ڊاڪٽر سيد جنيد علي شاهه ۽ مسز اسماء شاهه جي سرپرستي هيٺ منعقد ڪئي پئي وڃي. ٽورنامينٽ ۾ ڪل 16 ٽيمون حصو وٺي رهيون آهن، جن ۾ 8 ڪلبن جون ٽيمون ۽ 8 ٽيمون ڪراچي جي مختلف ڪاليجن جا رانديگرن تي مشتمل آهن. ان موقعي تي ايڊيشنل سيڪريٽري اسپورٽس اينڊ يوٿ افيئر محمد توفيق چيو ته صحتمند جسم هڪ صحتمند ذهن لاءِ تمام ضروري آهي ۽ رانديون اسان کي جسماني صحت برقرار رکڻ جو بهترين وسيلو فراهم ڪن ٿيون. هن چيو ته راندين ۽ نوجوانن جي معاملن وارو کاتو هن ٽورنامينٽ کي منعقد ڪرڻ ۾ ڀرپور حوصلا افزائي ڪندو ۽ کاتو صوبي ۾ راندين ۽ نوجوانن جي مثبت سرگرمين لاءِ هر ممڪن سهڪار ڪندو. هن ٽورنامينٽ منعقد ڪرڻ تي منتظمين ۽ ٽورنامينٽ ۾ حصو وٺندڙ ٽيمن کي مبارڪباد ڏني.