نوشھروفيروز ۾ مختيارڪار خلاف آفيس عملي ۽ تپيدارن جو احتجاج

نوشھروفيروز ۾ مختيارڪار خلاف آفيس عملي ۽ تپيدارن جو احتجاج

نوشهروفيروز (رپورٽر) نوشهروفيروز مختيارڪار پاران ڪم ڪار نه ڪرڻ خلاف آفيس عملي ۽ تپيدارن جو گڏيل احتجاجي مظاهرو ڪيو ويو جنهن جي اڳواڻي تپيدار عبدالمجيد ڳوراهو , تپيدار نالي مٺو پيرزادو , ملوڪ راڄپر , غلام مرتضا مشوري بابر لاشاري ۽ ٻيا ڪري رهيا هيا جن نعري بازي پڻ ڪئي ان موقعي ڌرڻي تي ويٺل مظاهرين ميڊيا اڳيان دانهيندي چيو ته جنهن ڏينهن کان مختيارڪار نوشهروفيروز جي آفيس جي چارج مختيارڪار عزيز جوڻيجو سنڀالي آهي ان ڏينهن کان آفيس جو سمورو ڪم ڪار ٺپ ٿي ويو آهي جنهن سبب کاتيدار ڪم نه ٿيڻ جي صورت ۾ اسان کي گهٽ وڌ ڳالهايو وڃن ٿا هنن چيو ته گذريل ٻن مهينن کان آفيسر جي بليڪ ميلنگ جي ڪري آفيس جو ڪم ڪار ٺپ آهي جيڪو عوام جي ڪمن ۾ دلچسپي ئي نه ٿو وٺي روز بهانا ڪري ڪم ٽاري ڇڏي ٿو ايتري قدر جو ڊوميسايل به صحيع نه ٿو ڪري جو نوجوان پريشان بڻيل آھن ھنن نگران وزير اعلا سنڌ , چيف سيڪريٽري سنڌ , سينيئر ميمبر بورڊ آف روينيو ڪمشنر شهيد بينظير آباد , ڊپٽي ڪمشنر نوشهروفيروز سميت ٻين وس وارن اعلا عملدارن کان گهر ڪئي ته نااهل مختيارڪار عزيز جوڻيجو کي هٽائي اهل مختياڪار مقرر ڪرايو وڃي ته جيئن آفيس جو ڪاروهنوار هلي سگهي