سنڌ جو ناليوارو راڳي محبوب خاصخيلي گڙدن ۽ جگر جي مرض ۾ مبتلا، واھر جي اپيل

سنڌ جو ناليوارو راڳي محبوب خاصخيلي گڙدن ۽ جگر جي مرض ۾ مبتلا، واھر جي اپيل

ٺٽو( ڊر) سنڌ جو ناليوارو نوجوان راڳي محبوب خاصخيلي گڙدن ۽ جگر جي بيماري ۾ مبتلا ٿي ھلڻ ڦرڻ واري سگھ کان محروم بڻجي مڪلي تي سندس گھر ۾ بستري ڀيڙو ٿي ويو آھي، پر اڃان تائين ثقافت کاتي سميت ڪنھن بہ سرندي واري سندس سار ناھي لڌي، بستري ڀيڙو ٿيل سنڌ جي ناليوري راڳي الھڏنو خاصخيلي جي ننڍي ڀاء سنڌ جي نوجوان راڳي محبوب خاصخيلي صحافين سان ڳالھائيندي چيو تہ ھو ڪافي ڏينھن کان گڙدن ۽ جگر واري بيماري ۾ مبتلا رھڻ بعد مڪلي تي پنھنجي گھر ۾ بستري ڀيڙو ٿي ويو آھيان، ھلڻ، ڦرڻ جي سگھ بہ ناھي رھي، وس آھر علاج ڪرايو آھي، جنھن مان ڪوبہ فائدو ملي ناھي سگھيو. پر اڃان تائين ثقافت کاتي سميت سرندي وارن سندس ڪابہ سار ناھي لڌي، ھن نگران سنڌ حڪومت، ثقافت کاتي سميت سمورن سرندي وارن ماڻھن کي اپيل ڪئي تہ سندس علاج ۾ مدد ڪري سندس حياتي بچائي وڃي. ان موقعي تي شاعر پريم اختر پالاري پڻ موجود ھو، جنھن پڻ سندس عيادت ڪري سندس صحتيابي لاء دعائون گھري سندس سرڪاري خرچ تي علاج ڪرائڻ جي گھر ڪئي آھي.