English
نوکریاں
سنڌي خبرون
سندھ
پاکستان
تازہ ترین
پہلا صفحہ
اياز لطيف پليجي پاران ثقافتي عيد تي سموري دنيا ۾ رھندڙ سنڌين کي مبارڪون
views
|
03rd Dec 2023
•
سنڌي خبرون
اياز لطيف پليجي پاران ثقافتي عيد تي سموري دنيا ۾ رھندڙ سنڌين کي مبارڪون
حيدرآباد(بيورو) قومي عوامي تحريڪ جي سربراھ اياز لطيف پليجي ثقافتي عيد جون سموري سنڌي قوم ۽ دنيا جي ڪنڊ ڪڙڇ ۾ رھندڙ سنڌين کي مبارڪباد ڏيندي چيو آھي تہ سنڌ عوام پنهنجي ثقافتي ڏينهن تي دنيا جي ٻين قومن سان محبت جو اظهار ڪري ٿي اسان کي ست ھزار سالا تھذيب ۽ ثقافت جو مالڪ ھجڻ تي فخر آھي۔ سنڌي ماڻھو امن پسند، ترقي پسند، روشن خيال، علم دوست، انسان دوست، موسيقي ۽ رقص سان پيار ڪندڙ آھن۔ اياز لطيف پليجي چيو تہ سنڌي قوم ھميشہ پنھنجي ڌرتي جو تحفظ ڪيو آھي. سنڌ عظيم تھذيب، ثقافت ۽ رواداريء جي ڌرتي آھي۔ شاھوڪار تھذيب جي ڌرتي ۽ ان جي وسيلن جي مالڪي اسان سڀني جي ذميواري آھي۔ ڪرپشن، اقرباپروري اسان جي تھذيب، ثقافت ۽ سڃاڻپ کي تباھ ڪيو آھي۔ قدرتي وسيلن سان مالامال ڌرتي جا نوجوان خودڪشيون ڪرڻ تي مجبور آھن۔ بک، بدحالي ۽ بيروزگاري جو راڪاس زندگيون ڳڙڪائي رھيو آھن۔ پنھنجي ثقافت ۽ تھذيب جي بقا لاء بيدار ٿيڻ جي ضرورت آھي۔ سنڌ جي خطرن جو مقابلو علم، تعليم، ڄاڻ، ٽيڪنالاجي ۽ سائنس سان ٿيندو. اياز لطيف پليجي چيو تہ پاڻ کي پنهنجي وطن ۾ اقليت ۾ تبديل ٿيڻ جو خطرو آھي۔ جيڪڏھن بدلجندڙ دنيا سان گڏ پاڻ کي تبديل نہ ڪيوسين، پاڻ علم ۽ ٽيڪنالاجي جو رستو نہ ورتو تہ ھي دنيا ڏاڍي ظالم اٿو۔ تبديلي چاھي پاڻ کي آسمان جي بلندين تي کڻي وڃي تبديلي چاھي تہ زمين تي ڌوڙ ڪري پيرن ۾ چٿي ڇڏي۔ سنڌيو پاڻ کي تبديل ڪيو چئلينجن سان مقابلي لاء، پاڻ کي تبديل ڪيو اڳتي وڌڻ لاء، پاڻ کي تبديل ڪيو طاقت بنجڻ لاء، عورتن ۽ مردن جي برابري کپي، پنهنجي سماج ۾ اڌ ساڍا ٽي ڪروڙ عورتون ھيٺ ھونديون تہ ڪجھ ڪون ٿيندو۔ سنڌ ۾ اقليتون غير محفوظ ھونديون، پنهنجي وطن ۾ ھندو، ڪرسچن، سک ۽ فارسي غير محفوظ ھوندا تہ پاڻ ترقي ڪون ڪري سگھنداسين، پاڻ اھي سنڌي آھيون جيڪي ھوليون، ڏياريو، ڪرسمس ملھائيندا آھيون، پاڻ کي اھو پيغام ڏيڻو آهي سڄي پاڪستان ۽ دنيا کي تہ اسان رواداري ۽ برابري ۾ يقين رکون ٿا. اسين پرامن ۽ باوقار تھذيب جا وارث آھيون. اياز لطيف پليجي چيو تہ سنڌ ۾ سرداري، جاگيرداري ۽ قبائليت جا چنبا کوڙيل نہ ھجن ھا تہ سنڌ ھيئن تباھ ۽ برباد نہ ٿئي ھا۔ جيڪڏھن فيصلا جرڳن بدران عدالتن ۽ اسيمبلين ۾ ٿين ھا ۽ اسيمبليون ۽ عدالتون اھڙيون ھجن ھا، جن تي عوام کي اعتماد ھجي ھا تہ سنڌ جو حشر اڄ ھھڙو تباھ ۽ برباد ٿيل نہ ھجي ھا۔ سنڌ کي تعليم، ميرٽ روزگار، صحت کپي، پاڻي، تيل، گئس، ڪوئلي ۽ پنھنجن وسيلن تي مالڪي جو اختيار گھرجي۔ سمنڊ، ٻيٽ، ڪاڇو، ڪوھستان، ٿر سميت سڄي سنڌ جي مالڪي گھرجي، قبضاگيري نہ کپي، بحريا ٽائون، ذوالفقار آباد ۽ ٻيون سنڌين کي اقليت ۾ تبديل ڪرڻ جون قبضاگير اسڪيمون نہ گھرجن۔ مختلف منصوبن جي نالي ۾ ھزارين ايڪڙ زمينن تي قبضا نہ گھرجن.
0
تبصرے
تبصرہ کریں
نام
مطلوب خانہ
ای میل
مطلوب خانہ
تبصرہ
مطلوب خانہ
Post comment
رجحانات
تازہ ترین
16th Sep 2024
•
تازہ ترین
آئینی ترامیم، عمران خان نے بڑا دعویٰ کر دیا
16th Sep 2024
•
سندھ
معروف کاروباری شخصیت فاروق احمد PLGMEA سدرن زون کے بلامقابلہ چیئرمین منتخب
16th Sep 2024
•
تازہ ترین
پاکستان پیپلزپارٹی کے چیئرمین بلاول بھٹو زرداری کی جمعیت علمائے اسلام کے سربراہ مولانا فضل الرحمان کی رہائش گاہ آمد
16th Sep 2024
•
سندھ
سندھ بار کونسل میں صوبائی بار کونسلز کی کورآرڈنیشن کمیٹی کا اجلاس
16th Sep 2024
•
تازہ ترین
آئینی ترامیم، عمران خان نے بڑا دعویٰ کر دیا
16th Sep 2024
•
سنڌي خبرون
نوان جتوئي ۾ نينگري سان 4 جوابدارن پاران مبينا اجتماعي جنسي زيادتي
16th Sep 2024
•
سنڌي خبرون
تنگواڻي ويجهو چولياڻي ۽ ملڪ برادري جي ٻن ڌرين ۾ هلندڙ تڪرار تان استاد سميت 2 ڄڻا قتل
16th Sep 2024
•
سندھ
معروف کاروباری شخصیت فاروق احمد PLGMEA سدرن زون کے بلامقابلہ چیئرمین منتخب
Advertisement
Categories
تازہ ترین
پاکستان
دنیا
صحت
شوبز
کھیل
سائنس اور ٹیکنالوجی
دلچسپ اور عجیب
سندھ
سنڌي خبرون
Tags
حيدرآباد
قومي عوامي تحريڪ جي سربراھ اياز لطيف پليجي
سنڌ عظيم تھذيب، ثقافت ۽ رواداريء
Advertisement
0 تبصرے