ڊي سي سجاول جي صدارت هيٺ ايندڙ عام چونڊن جي تيارين بابت اجلاس منعقد

ڊي سي سجاول جي صدارت هيٺ ايندڙ عام چونڊن جي تيارين بابت اجلاس منعقد

سجاول (رپورٽر) ڊپٽي ڪمشنر سجاول جي صدارت هيٺ ايندڙ عام چونڊن جي تيارين بابت اجلاس منعقد: ڊپٽي ڪمشنر عبدالواجد شيخ جي صدارت هيٺ ايندڙ عام چونڊن جي تيارين جي حوالي سان سندس آفيس ۾ اجلاس منقعد ٿيو، جنهن ۾ ايڊيشنل ڊپٽي ڪمشنر ون عبدالڪريم سنگراسي، ضلعي اليڪشن ڪمشنر افتخار حسين کان علاوہ اسسٽنٽ ڪمشنرن، ايجوڪيشن ورڪس، تعليم، صحت، پبلڪ هيلٿ، لوڪل گورنمينٽ، پوليس ۽ ٻين لاڳاپيل کاتن جي آفيسرن شرڪت ڪئي. ان موقعي تي ڊپٽي ڪمشنر ايجوڪيشن ورڪس ۽ ٻين لاڳاپيل کاتن جي آفيسرن کي هدايت ڪئي ته ڊسمبر 2023ع جي آخر تائين سمورين تجويز ڪيل پولنگ اسٽيشنن جي مرمت سميت پاڻي، بجلي، بائونڊري وال، واش رومز ۽ ٻين مسنگ سهولتن جي فراهمي کي يقيني بڻايو وڃي ته جيئن ووٽرن ۽ پولنگ عملي کي ڪنهن به قسم جي پريشاني کي منھن ڏيڻو نہ پوي. هن سمورن اسسٽنٽ ڪمشنرن ۽ مختيارڪارن کي هدايت ڪئي ته هو پولنگ اسٽيشنن جي ترقياتي ڪمن جي مانيٽرنگ کي يقيني بڻائين ۽ پولنگ اسٽيشنن جي ترقياتي ڪمن جو جائزو وٺي اھڙي رپورٽ پيس ڪن تہ جيئن اعليٰ اختيارين ڏانهن اماڻي سگهجي. ڊپٽي ڪمشنر چيو ته صاف، شفاف، غيرجانبدار ۽ پرامن طريقي سان چونڊن لاري عمل کي مڪمل ڪرڻ لاءِ اليڪشن ڪميشن سان سهڪار ۽ مدد فراهم ڪرڻ ضلعي انتظاميہ جي آئيني ۽ قانوني ذميواري آھي، ان ڏس ۾ لاڳاپيل کاتن جا آفيسر پنھنجا سمورا وسيلا ڪتب ۾ آڻيندي سمورا گھربل انتظام مڪمل ڪن. هن سمورن آفيسرن کي وڌيڪ هدايت ڪئي ته هو پنهنجي لاڳاپيل کاتن جي گريڊ 5 کان گريڊ 20 تائين جي سمورن ملازمن جي لسٽ فارميٽ مطابق جلد کان جلد ضلعي اليڪشن ڪمشنر وٽ جمع ڪرائين تہ جيئن کين چونڊن واري عمل بابت تربيت ڏئي پولنگ عملي طور مقرر ڪري چونڊن واري عمل کي خوش اسلوبي سان مڪمل بڻائي سگهجي.