سجاول ۾ ڊي سي عبدالواجد شيخ جي صدارت هيٺ پوليو مھم جي انتظامن بابت گڏجاڻي

سجاول ۾ ڊي سي عبدالواجد شيخ جي صدارت هيٺ پوليو مھم جي انتظامن بابت گڏجاڻي

سجاول (رپورٽر) ڊپٽي ڪمشنر عبدالواجد شيخ جي صدارت هيٺ ڊي سي ڪامپليڪس سجاول ۾ پوليو مھم جي انتظامن بابت گڏجاڻي منعقد ٿي، جنهن ۾ ايڊيشنل ڊپٽي ڪشنر ون عبدالڪريم سنگراسي، ايڊيشنل ڊسٽرڪٽ هيلٿ آفيسر ڊاڪٽر محمد انور ميمڻ، اسسٽنٽ ڪمشنرن، مختيارڪارن، پي پي ايڇ آءِ، اين اسٽاپ، ڊبليو ايڇ او، تعليم، صحت، پوليس، لوڪل گورنمينٽ ۽ ٻين لاڳاپيل کاتن جي عملدارن شرڪت ڪئي. ان موقعي تي ڊپٽي ڪمشنر عبدالواجد شيخ صحت کاتي ۽ ٻين لاڳاپيل آفيسرن کي هدايت ڪئي ته هو ايندڙ پوليو مهم دوران سمورا وسيلا ڪتب ۾ آڻيندي بهتر نتيجا حاصل ڪرڻ لاءِ پنهنجو ڀرپور ڪردار ادا ڪن. هن چيو ته مهم دوران مقامي اين جي اوز ۽ يوسي سيڪريٽرين کان پڻ مدد ورتي وڃي ته جيئن ڪو به ٻار ڦڙا پيئڻ کان محروم نه رهي. هن پوليس آفيسرن کي هدايت ڪئي ته ٽرانزٽ پوائنٽس تي پبلڪ ٽرانسپورٽ ۾ سفر ڪندڙ ٻارڙن کي پوليو جا ڦڙا پيارڻ لاءِ پوليو ٽيمن جي مدد کي يقيني بڻايو وڃي. هن چيو ته سڄي ضلعي ۾ خاص ڪري ڏورانهن علائقن ۾ گهر گهر پوليو ٽيمن جي موجودگي کي يقيني بڻايو وڃي. ڊپٽي ڪمشنر عوام خاص ڪري والدين کي اپيل ڪئي ته هو سندن علائقن ۾ ايندڙ پوليو ٽيمن سان سھڪار ڪري ٻارڙن کي پوليو کان بچاءُ جا ڦڙا ضرور پيارن ته جيئن کين مستقل معذوري کان بچائي سگهجي. گڏجاڻي کي بريفنگ ڏيندي ضلعي فوڪل پرسن ڊاڪٽر عرفان مهر ٻڌايو ته مهم دوران پنجن سالن تائين عمر جي ھڪ لک 79 هزار 228 ٻارڙن کي پوليو کان بچاءُ جا ڦڙا پيارڻ جو هدف مقرر ڪيو ويو آهي، ان ڏس ۾ 4 ضلعي سپروائيزر، 5 تعلقي سپروائيزر، 41 يو سي ايم اوز، 140 ايريا انچارجز، 546 گشتي ٽيمون، 47 فڪسڊ ۽ 33 ٽرانزٽ پوائنٽس مقرر ڪيون ويون آهن تہ جيئن مھم کي سئو سيڪڙو ڪامياب بڻائي سگهجي.