ڏهرڪي ۾ موبائيل مارڪيٽ مان ڌاڙي خلاف دڪاندارن پاران شٽربند ھڙتال ۽ ڌرڻو

ڏهرڪي ۾ موبائيل مارڪيٽ مان ڌاڙي خلاف دڪاندارن پاران شٽربند ھڙتال ۽ ڌرڻو

ڏھرڪي (رپورٽر)ڏهرڪي ۾ نامعلوم هٿياربندن پاران موبائل مارڪيٽ مان دوڪاندار کي هٿيارن جي زور تي يرغمال بڻائي کيس لکين روپين جا قيمتي موبائل فون ۽ روڪ رقم ڦر ڪرڻ واري واقعي ۽ پوليس پاران ڦر ڪندڙ جوبدارن کي گرفتار نه ڪرڻ خلاف موبائل مارڪيٽ جي درجيني دوڪاندارن احتجاج طور پنهنجا دوڪان بند ڪري ڇڏيا مڇريل دوڪاندارن موبائل مارڪيٽ کان احتجاجي ريلي ڪڍي ڏهرڪي ٿاڻي آڏو ڌرڻو هڻي پوليس خلاف سخت نعري بازي ڪئي خبر موجب ڏھرڪي ۾ گذريل ڏينهن ٽن نامعلوم هٿياربندن پاران موبائل مارڪيٽ مان دوڪاندار عابد ملڪ کي هٿيارن جي زور تي يرغمال بڻائي سندس دوڪان ۾ پيل لکين روپين جا قيمتي موبائيل فون ۽ روڪ رقم ڦر ڪرڻ واري واقعي ۽ پوليس پاران ڦر ڪندڙ جوبدار گرفتار نه ڪرڻ خلاف موبائل مارڪيٽ جي درجيني دوڪاندارن احتجاج طور پنهنجا دوڪان بند ڪري موبائل مارڪيٽ کان احتجاجي ريلي ڪڍي ڏهرڪي ٿاڻي اڳيان احتجاجي مظاهرو ڪيو ان موقعي تي متاثره دڪاندار عابد ملڪ، محمد ايوب، منير احمد ۽ ٻين چيو ته ڏهرڪي پوليس شهر ۾ وڌندڙ بدامني تي ضابطو آڻڻ ۾ مڪمل طور ناڪام ٿي وئي جنهن بعد ڏوهاري سرعام پنهنجي ڏوه جون وارڌاتون ڪري رهيا آهن جنهن بعد گذريل شام ڌاري ٽن نامعلوم هٿياربندن بنا ڪنهن خوف جي سرعام وچ شهر مان دوڪاندار عابد ملڪ کي هٿيارن جي زور تي يرغمال بڻائي کيس دوڪان ۾ پيل لکين روپين جا قيمتي موبائيل فون ۽ روڪ رقم ڦر ڪري ويا آهن جنهن بعد ڦر واقعي ڏھرڪي پوليس کي سي سي ٽي وي فوٽيج ملڻ باوجود پوليس ڦورن کي گرفتار نه ڪري سگهي آهي جيڪا پوليس جي نااهلي آهي هنن مطالبو ڪيو ته ڦورن کي گرفتار ڪري ڦر ٿيل موبائل فون ۽ روڪ رقم واپس ڪرائي شهرين کي تحفظ ۽ متاثره دوڪاندار کي انصاف فراهم ڪيو وڃي