سنڌڙي ۾ ھنڱورنو ٽائون چيئرپرسن جي پٽ جو نوجوان تي مبينا تشدد

رخسانہ شر جي پٽ جو ھنڱورنو ۾ ڪئيبن ھلائيندڙ نوجوان تي مبينا تشدد

سنڌڙي (رپورٽر) سنڌڙي ۾ ”امي جي خلاف پوسٽون ٿو رکرائين“ ھنڱورنو ٽائون جي چيئرپرسن رخسانہ شر جي پٽ جو ھنڱورنو ۾ ڪئيبن ھلائيندڙ نوجوان تي تشدد، ڪپڙا ليڙون ليڙون، ميگھواڙ برادري جو سنڌڙي ٿاڻي آڏو ڪيس داخل ڪرڻ لاءِ احتجاج خبر موجب ھنڱورنو شھر ۾ ڪئيبن ھلائيندڙ نوجوان ھريش ميگھواڙ تي ٽائون چيئرپرسن رخسانہ شر جي پٽ سرمد شر حملو ڪندي تشدد جو نشان بڻائيو ھريش ميگھواڙ سنڌڙي ٿاڻي آڏو پنھنجي برادري جي ماڻھن سميت احتجاج ڪندي چيو تہ آئون پنھنجي ڪئيبن تي ويٺل ھئس تہ چيرمين ٽائون ڪميٽي ھنڱورنو رخسانہ شر پٽ سرمد شر مون مٿان حملو ڪري ڏنو جنھن ۾ ساڻس رخسانہ جو ڀاءُ نظير شر، ڀائٽي قيصر شر، فيصل شر ۽ ٻين مونکي ڪئيبن کان ڪڍي گھليندي روڊ تي کڻي سخت تشدد جو نشانو بڻايو ۽ موتمار ڌمڪيون ڏيندي چيو تہ تون چيرمين خلاف مختلف ماڻھن کان فيس بڪ تي پوسٽون ٿو رکرائين توکي بلڪل مارينداسين، ھن چيو تہ سنڌڙي پوليس اين سي تہ ورتي آھي پر ھو بااثر آھن پوليس نہ ڪيس داخل ڪندي نہ گرفتاري عمل ۾ آڻيندي ھن چيو تہ مونکي خطرو آھي تہ ھي مونکي قتل ڪندا اسان اقليت ۾ آھيون تڏھن اسان کي حراسان ڪن پيا، واضع رھي تہ ھنڱورنو ٽائون ۾ ڪائونسلرن ۽ چيئرپرسن ۾ فنڊن جي معاملي تي تڪرار ھلندڙ آھي، جيڪو مقامي سطح تي سوشل ميڊيا تي بحث جو موضوع بڻيل آھي