گاجي کهاوڙ: ڳوٺاڻن جو پوليس خلاف احتجاج، ڦرلٽ ۽ 5 ڄڻن کي کنڀي گم ڪرڻ جو الزام

18 views | 01st Nov 2023 • سنڌي خبرون

پوليس گهرن مان ڦرلٽ بعد 5 ڄڻن کي کنڀي گم ڪري ڇڏيو آهي: ڳوٺاڻا

گاجي کهاوڙ ڀرسان پوليس جي چڙھائي، 2 شاگردن سميت 5 ڄڻا کنڀي کڻي وئي، 5 موٽر سائيڪلون، هڪ بندوق، ڪيش رقم سون ۽ ٻيو سامان پوليس کڻي وئي، ڳوٺاڻن پوليس خلاف احتجاج.
ڳوٺ عبدالحفيط چانڊيو ۾ گاجي کهاوڙ پوليس ۽ ضلعي قمبر جي پوليس 12 پوليس موبائيلون ساڻ ڪري ڳوٺ تي چڙھائي ڪئي آھي جنهن ۾ پوليس 2 شاگردن سميت 5 ڄڻن فيضل خان، اياز علي، مهر علي، صداقت علي ۽ عرفان کي کنڀي گم ڪري ڇڏيو آھي، ان موقعي تي ڳوٺاڻن حسن علي چانڊيو نادر علي چانڊيو محمد صلاح چانڊيو ۽ ٻين چيو ته ضلعي قمبر جي پوليس اسانجي گهرن ۾ ڌاڙيلن جيان ڪاهي پئي آھي
جيڪي اسانجا 5 همراه گرفتار ڪري گم ڪري ڇڏيا آھن ۽ انهن اسانجي گهرن جي ڀڃ ڊاه ڪئي آھي جيڪو سراسر ظلم آھي پوليس 5 موٽرسائيڪلون، لائسنس واري بندوق ، ڪيش رقم، سونا زيور، ڪڻڪ ۽ ٻيو سامان کڻي وئي آھي ۽ اسانجا همراه پوليس گم ڪري ڇڏيا آھن جنهن ڪري اسان سخت پريشان آھيون اسان مٿان ڪو به ڪيس داخل ٿيل ناهي ڀلي جاچ ڪئي وڃي.