شڪارپور ۾ مجلس وحدت المسلمين پاران آل پارٽيز ڪانفرنس منعقد

شڪارپور ۾ بدامني عروج تي آهي، عام ماڻھن کانپوءِ ايس ايڇ او ۽ اھلڪار بھ اغوا ٿي رھيا آھن: اڳواڻ

شڪارپور (زوھيب سمون) شڪارپور ۾ مجلس وحدت مسلمين طرفان شڪارپور پريس ڪلب ۾ امن امان, رياست جي بيحسي, اغوائون ۽ قبيلائي جهيڙن جي خاتمي خلاف آل پارٽيز ڪانفرنس ڪوٺائي وئي جتي سياسي, سماجي, مذھبي اڳواڻن ڪارڪنن وڏي شرڪت ڪئي مجلس وحدت المسلمين جي مرڪزي اڳواڻ علامه مقصود ڊومڪي, ضلعي صدر اصغر علي سيٺار, جي آء اڳواڻ مشتاق سهندڙو, ن ليگ اڳواڻ, دوست محمد چانڊيو,سياسي اڳواڻ عامر عباس سومرو, قومپرست اڳواڻن ۾ عبدالسميع بلالي, اسدالله سومرو,شڪارپور بچايو تحريڪ اڳواڻ, ميان ظفر علوي اعجاز ڪاڪيپوٽو, ايڊووڪيٽ اصغر علي سيٺار ۽ ٻين خطاب ڪندي چيو ته شڪارپور ۾ بدامني عروج تي پهچي چڪي آهي جڏھن ته هاڻي ماڻھن سان گڏ پوليس ايس ايڇ او سميت اهلڪار ڌاڙيلن هٿان اغوا ٿي رهيا آهن پر پوليس راڄوڻي ڪوششن ۾ پوري آهي هنن چيو ته سرڪار ڪچي ۾ رينجرز آپريشن جون داعوائون ڪري پئي پر ان باوجود صرف فورسز فوٽو سيشن ۾ پوري آهي هنن چيو ته اسان پڇڻ چاهيون ٿا ته اها رينجرز ڪٿي آپريشن ڪري رهي آهي جڏھن ته ڌاڙيلن جون گرفتاريون يا انهن خلاف ڪي ڪاروايون ظاهر ناهن ڪيون ويون آي پي سي اڳواڻن جو اهو به چوڻ ھو ته قبيلائي جهيڙن سبب قتل عام وڌي رهيا آهن