وڳڻ ويجهو 2 معصوم ڀائر تلاءَ ۾ ٻڏي فوت

6ورهين جو علي ۽ 3ورهين جو حيدر علي شاهه تلاءَ ۾ ٻڏي فوت

وڳڻ. وڳڻ لڳ ڳوٺ چئوديرو ۾ 2 سڳا معصوم ڀائر 6سالا علي ۽ 3سالا حيدر پٽ عامر شاھ گھر ٻاھران راند ڪندي اوچتو پير ترڪڻ سبب پاڻيءَ جي تلاءُ ۾ ڪري ٻُڏي فوت ٿي ويا واقعي بعد سندن گھر ۾ ڪُھرام متل جڏھن ته ڳوٺ ۽ ڀرپاسي ۾ سوڳ وارو ماحول ڇانيل رابطو ڪرڻ تي معصوم ڀائرن جي پيءُ عامر شاھ ۽ ٻين وارثن فاضل شاھ ۽ نياز شاھ ٻڌايو ته سندن معصوم نينگر ٻئي ڀائر گھر ٻاھران راند کيڏي رھيا ھُيا ته اوچتو پير ترڪڻ سبب معصوم حيدر پاڻيءَ جي تلاءُ ۾ ڪري پيو کيس رڙيون ڪندي وڏي ڀاءُ علي بچائڻ جي ڪوشش ڪئي ته ھُو پاڻ به پاڻيءَ جي تلاءُ ۾ ڪري پيو سندن رڙين تي اُتي موجود ڳوٺاڻن کين پاڻيء جي تلاءُ مان ٻاھر ڪڍيو جنھن بعد کين وڳڻ جي سرڪاري اسپتال رورل ھيلٿ سينٽر پھچايوسين جتي ڪوبه ڊاڪٽر موجود نه ھُيو اسپتال ۾ صرف پرچي ڪلارڪ ويٺو ھُيو بعد ۾ اسان کين لاڙڪاڻي جي ٽراما سينٽر پھچايوسين جتي ڊاڪٽرن مطابق ته گھڻي دير ٿيڻ سبب ٻئي ڀائر فوت ٿي ويا آھن ٻنھي معصوم ڀائرن جا لاش واپس گھر پھچڻ تي ڪُھرام مچي ويو جڏھن ته ھر اک آلي ٿي وئي.