ٺٽي ۾ آل روينيو سنڌ ايمپلائيز ايسوسيئشن ۽ سنڌ تپيدار ايسوسيئشن جو احتجاج

روينيو کاتي جي ملازمن پاران آفيسن جي تالابندي ڪري ڊي سي افيس مڪلي آڏو ڪيمپ قائم ڪري ورتي

ٺٽو(شفيق ڀٽي)آل روينيو سنڌ ايمپلائيز ايسوسيئشن ۽ سنڌ تپيدار ايسوسيئشن ضلعي ٺٽي پاران پنھنجي جائز مطالبن جي مڃتا توڙي ڊي سي ٺٽو پاران ملازمن خلاف شروع ڪيل انتقامي ڪاروائين واري عمل خلاف روينيو کاتي جي سمورن ملازمن پاران آفيسن جي تالا بندي ڪري ڊي سي آفيس مڪلي جي احاطي ۾ قائم ڪيل بک ھڙتالي ڪئمپ تي پھچي ملازم اڳواڻن فھد ٻٻر، رياض شاھ، سڪندر منگسي، غلام نبي ملاح، رياض آرائين، اسماعيل جتوئي، سلطان جمالي، حسن ناريجو، آصف بلوچ، وسيم جان جوکيو چيو تہ ڊي سي ٺٽو روينيو کاتي ٺٽي جي ملازمن کي بلاجواز پريشان ڪري سندن خلاف انتقامي ڪاروايون شروع ڪري تپيدارن جون جبري بدليون ڪيون پيون وڃن، جيڪو عمل ھر گز برداشت نہ ڪيو ويندو. ھنن چيو تہ روينيو ڪالوني جي ڪواٽرن، سندس رھائشي ڪالوني لاء مختص ٿيل پلاٽن تي بہ قبضا برقرار آھن، مٿان وري ٺٽي ضلعي ٺٽي جي روينيو کاتي جي ملازمن کي اڃان تائين پروموشن ملي ناھن سگھيا آھن ۽ نہ ئي ڊي سي افيس ۾ قائم مختلف برانچن جي ملازمن کي پيئڻ جي پاڻي سميت اسٽيشنري ٿي ملي، ملازم اڳواڻن فھد ٻٻر، سڪندر منگسي ۽ ٻين گھر ڪئي تہ سندن جائز مسئلا حل ڪري کين پريشاني کان بچايو وڃي، احتجاجي ڪئمپ تي اڳوڻي ايم پي اي سيد رياض حسين شاھ شيرازي، ضلعي ڪائونسل ٺٽو جو چيئرمين عبدالحميد پنھور، حاجي حنيف ميمڻ، آپڪا اڳواڻ عبدالڪريم ڀاند، حاجي اشرف خشڪ، اُُحمد نواز پٺاڻ، پ ٽ الف اڳواڻ شريف تنيو ۽ ٻين پھچي ملازمن سان يڪجھتي توڙي ھمدردي جو اظھار ڪندي ساڻن ساٿ نڀائڻ جو وچن ڪندي سندن جائز مسئلا حل ڪرائڻ جي بہ خاطري ڪرائي ويئي.