سکر: بغاوت ڪيس ۾ رياض چانڊيو، ڊاڪٽر نياز ڪالاڻي ۽ پنهل ساريو جي پڪي ضمانت منظور

ڊسٽرڪٽ اينڊ سيشن جج سکر عبدالغني سومرو قومپرست اڳواڻن جي بغاوت واري ڪيس جي ٻڌڻي

سکر: عدالت جيئي سنڌ رهبر ڪميٽي سربراهه رياض چانڊيو، نياز ڪالاڻي ۽ پنهل ساريو جي پڪي ضمانت منظور ڪري ورتي. ڊسٽرڪٽ اينڊ سيشن جج سکر عبدالغني سومرو قومپرست اڳواڻن جي بغاوت واري ڪيس جي ٻڌڻي ڪئي جيئي سنڌ محاذ چيئرمين رياض چانڊيو، جسقم اڳواڻ ڊاڪٽر نياز ڪالاڻي ۽ رواداري تحريڪ جو اڳواڻ پنهل ساريو وڪيل شبير شر سميت عدالت ۾ پيش ٿيا. عدالت ۾ پوليس شاهدي طور مبينا طور تي گڏ ڪيل سروٽا پٿر, کڻي پيش ڪيا، جاچ آفيسر جي عدالت کي آگاهي ڏني ته قومپرست اڳواڻن هي پٿر ۽ سروٽا کڻي روڊ بند ڪري دهشتگردي آھي. وڪيل شبير شر عدالت کي ٻڌايو ته 17سيپٽمبر تي سکر ۾ رياض علي چانڊيو ۽ ٻين جي اڳواڻي ۾ هزارين ماڻھن پُرامن ريلي ڪڍي. شهيد صحافي جان محمد مهر جا قاتل گرفتار ڪريو، ڌاڙيل راڄ نامنظور، پريا ڪماري کي بازياب ڪرايو جو مطالبو ڪيو ويو. هزارين ماڻھن جي ريلي ۾ نه ڪنهن گاڏي جو شيشو ڀڳو، نه ڪنهن کي چماٽ لڳي. ريلي مڪمل پُرامن هئي پوليس ڪوڙو ڪيس داخل ڪيو آهي، پڪي ضمانت منظور ڪئي وڃي. ڊسٽرڪٽ اينڊ سيشن جج قومپرست اڳواڻن رياض علي چانڊيو، ڊاڪٽر نياز ڪالاڻي، پنهل ساريو جي پڪي ضمانت منظور ڪري ورتي.