گڏاپ ۾ ويسٽ پريس ڪلب ۽ گڏاپ نيشنل پريس ڪلب جي گڏيل سھڪار سان ميڊيڪل ڪيمپ قائم

ٻارڙن سميت مختلف بيمارين جي ماهر ڊاڪٽرن پاران مريضن کي تپاسي مفت دوائون پڻ ڏنيون ويون

گڏاپ (رپورٽر)گڏاپ ۾ ويسٽ پريس ڪلب ۽ گڏاپ نيشنل پريس ڪلب جي گڏيل سھڪار سان ھڪ روزه مفت ميڊيڪل ڪيمپ لڳائي وئي. جنھن ۾ ڪميونٽي ڪيئر ٽرسٽ ۽ ياسمين ميڊيڪل سينٽر جي سهڪار سان مفت طبي ۽ هيپاٽائيٽس سي جي تشخيص ۽ علاج جي ڪيمپ لڳائي وئي، جنهن ۾ ٻارڙن سميت مختلف بيمارين جي ماهر ڊاڪٽرن پاران مريضن کي تپاسي مفت دوائون پڻ ڏنيون ويون. ڪيمپ ۾ اسپيشلسٽ ڊاڪٽر عبدالعليم ميمڻ. ڊاڪٽر طارق خان. ليڊي ڊاڪٽر الماس خان. ڊاڪٽر سڪينہ ۽ ڪميونٽي ڪيئر ٽرسٽ ڪراچي جي عهديدارن عمران علي، ڪامران شاهه، توفيق احمد منگي، هزار خان سومرو، مجيب انصاري ۽ ٻين شرڪت ڪئي. صحافين نبي بخش خاصخيلي. عبدالعليم ميمڻ چيو ته ڪيمپ جو مقصد مقامي آبادي کي بهتر طبي سهولتون فراهم ڪرڻ ۽ کين صحت بابت آگاهي ڏيڻ هو. انساني همدردي تحت گڏاپ جي پٺتي پيل علائقن ۾ مفت طبي ڪئمپون قائم ڪري غريب ۽ مستحق ماڻهن کي طبي سهولتون ميسر ڪري سگهجن ٿيون. ان موقعي تي ڪميونٽي ڪيئر ٽرسٽ جي ترجمان شيخ سرور چيو ته صاف پاڻي نه ملڻ سبب هيپاٽائيٽس سي جي شرح وڌي رهي آهي. حڪومت پٺتي پيل علائقن ۾ اھڙيون مفت طبي ڪئمپون قائم ڪري ته جيئن هتي جا ماڻهو پنهنجن پيارن جو علاج ڪري سگهن. جڏھن ته ماھر ڊاڪٽرن چيو ته گڏاپ يوسي شاھ مريد جي بابا بلوچ اسٽاپ تي ڪيمپ ۾ آيل مريضن جو تعداد ٽي سئو کان وڌيڪ رھيو. جنھن ۾ خاص ڪري چمڙي جي بيماري. نزلو زڪام. ياد خوراڪ جي گھٽتائي سبب وٽامن بي ۽ عورتن ۾ جرنل ڪمزوري جي مريضن کي تپاسي کين مفت دوائون پڻ ڏنيون ويون. ھنن چيو ته اسين وس وارن کي اپيل ٿا ڪيون ته گڏاپ جي مختلف يوسين ۾ مفت ميڊيڪل ڪيمپون قائم ڪيون وڃن ته جيئن ھتان جا رھواسي ھن مھانگائي جي دور ۾پنھنجي پيارن جو علاج ڪرائي سگھن.