جھمپير ۽ ڀرپاسي چوپايو مال بيمارين ۾ مبتلا

چوپايو مال بيمار ٿيڻ سبب مالوند پريشانين جو شڪار

ٺٽو( محمد شفيق ڀٽي) جھمپير ۽ ان جي آس پاس جي ڪوھستاني پٽي ۾ چوپائي مال ۾ اوچتو ڦھلجندڙ وبائي بيمارين سبب چوپايو مال مرڻ لڳو ڀاڳيا سخت پريشان، جھمپير شھر م قائم وٽنري اسپتال جو عملو بہ چوپائي مال جو علاج ڪرڻ کان قاصر بڻيل، ڀاڳئين پاران جانورن واري اسپتال تي پھچڻ توڙي عملي پاران جانورن جو علاج ڪرڻ بجاء فرار ٿيڻ جي وڊيو بہ وائرل ٿي ويئي، ڀاڳئين پاران انصاف جو مطالبو ڪيو ويو اھي، ان سلسلي ۾ جھمپير ۽ ان جي اسپاس جي ڪيترن ئي ڀاڳئين دانھيندي چيو اھي تہ ڪجھ وقت کان وٺي ٻيھر ڪوھستاني پٽي ۾ چوپائي مال ۾ وچرندڙ بيماريون ڦھلجڻ ڪري سندن چوپايو مال مرڻ لڳو اھي، پر جھمپير ۾ قائم جانورن واري اسپتال ۾ ھڪ طرف دوائون ناھن تہ بئي طرف مقرر عملو جانورن جو علاج ڪرڻ لاء تيار ناھي، جنھن ڪري ھو سخت پريشان آھن، ٻئي طرف جھمپير جي جانورن جي اسپتال جي ھڪ وڊيو بہ وائرل ٿي اھي، جنھن ۾ ڀاڳيا جانورن جي اسپتال پھچي ويا، جن اتي مقرر سليم پٺاڻ کي سندن بيمار جانورن جو علاج ڪرڻ لاء منٿون ڪيون تہ ھن جانورن جو علاج ڪرڻ يا ڀاڳئين سان ڳالھائڻ بجاء اسپتال ڇڏي فرار ٿيڻ ڏيکاريو ويو اھي، جنھن ۾ ڀاڳيان کيس منٿون ڪندا ٿا رھن پر ھو پنھنجو منھن بہ ڪئميرا سامھون نٿو ڪري، متاثر ڀاڳئين دانھيندي چيو اھي تہ ھن اسپتال تي اھڙو عملو ٿاڦيو ويو اھي، جيڪي رڳو پگھارون کڻڻ تائين محدود بڻيل آھن، پر ڀاڳئين جي بيمار جانورن جو علاج ڪرڻ لاء تيار ناھن، جن کي سرڪار لکين روپيہ ماھوار پگھارون ادا ڪري ٿي، ھنن لائيو اسٽاڪ اينيمل ھسسبينڊري سنڌ جي اعلي اختيارين کان مطالبو ڪيو تہ فورن جانورن جي ڊاڪٽرن جون ٽيمون موڪلي سندن بيمار جانورن جو علاج ڪري کين وڌيڪ نقصان کان بچائي جھمپير جي جانورن واري اسپتال تي ڄاڻو عملو مقرر ڪري ڀاڳئين کي پريشاني ۽ نقصان کان بچايو وڃي.