مدئجي جي ڪچي ۾ جوڻيجا -ڪلهوڙا خوني تڪرار ڀڙڪي پيو، 6 ڄڻا قتل، 5 زخمي

views | 17th Oct 2023 • سنڌي خبرون

ياد رهي ته ٻنهي ڌرين ۾ تڪرار سبب ھن وقت تائين 39 ڄڻا مارجي ويا آھن

مدئجي: مدئجي جي ڪچي واري علائقي سب ڊويزن تاجوديرو جي حد ۾ هلندڙ ڪلهوڙا-جوڻيجا تڪرار تان ڌرين ۾ جديد هٿيارن سان فائرنگ ڪئي وئي آھي،
فائرنگ دوران هڪ ٻئي مٿان راڪيٽ لانچر پڻ فائر ڪيا ويا ،فائرن ۽ راڪيٽ لانچر فائر ٿيڻ جي نتيجي ۾ ٻنهي ڌرين جا 6 ڄڻا مارجي ويا ۽ 5 زخمي ٿي پيا،
مارجي ويلن ۾ سبحان جوڻيجو، نياز جوڻيجو، عبدالڪريم جوڻيجو. شعيب جوڻيجو نظر محمد جوڻيجو، نادر ڪلھوڙو شامل آھن،
اطلاع ملڻ ۽ فائرنگ جي آواز ٻڌڻ باوجود پوليس فائرنگ بند نه ڪرائي سگهي،
علائقي واسين موجب علائقي ۾ ڏهڪاء پکڙيل آھي ۽ ڀرپاسي جا ڳوٺاڻا گهرن تائين معدود ٿي ويا آهن،
جڏھن ته ٽن ڪلاڪن بعد پوليس نفري جمالپور ٿاڻي تي پهچي مارجي ويلن جا لاش ڌار ڌار پوليس ڪسٽڊي ۾ مدئجي اسپتال پهچايا،
ضروري ڪاروائي ڪرڻ بعد لاش وارث وارث عورتن ۽ مردن حوالي ڪري ڇڏيا آھن،ياد رهي ته ٻنهي ڌرين ۾ تڪرار سبب ھن وقت تائين 39 ڄڻا مارجي ويا آھن.