سيٺارجا ويجهو شهيد اي ايس آءِ جو مڙهه جنازي نماز بعد مٽيءَ ماءُ حوالي

views | 17th Oct 2023 • سنڌي خبرون

شهيد جي جنازي نماز ۾ پوليس عملدارن، رينجرز جوانن ۽ اهلڪارن جي وڏي انگ ۾ شرڪت

سيٺارجا ويجهو شهيد اي ايس آءِ جو مڙهه جنازي نماز بعد مٽيءَ ماءُ حوالي

سيٺارجا ويجهو ڳوٺ گل محمد ڄامڙو ۾ ڏوهارين هٿان گزريل رات دير سان سيٺارجا ٿاڻي جي اي ايس آئي امير بخش سوڍڙو کي گوليون هڻي شهيد ڪيو ويو هو ، شهيد اي ايس آئي امير بخش سوڍڙو جي جناز نماز درگاھ پير علي شير تي ادا ڪئي وئي جناز نماز ۾ ايس ايس پي خيرپور سميع الله سومرو ،اي ايس پي گمبٽ نعمان ظفر ، شهباز رينجرز 93 ونگ جي ميجر عمار ، ڊي ايس پي سٽي اشتياق احمد آرائين ، ڊي ايس پي پارس بخراڻي، ڊي ايس پي فراز علي ميتلو ، ڊي ايس پي زاهد حسين ميراڻي ، ڊي ايس پي ميرپور ماٿيلو نظير احمد سومرو ، ڊي آئي بي انچارج خيرپور علي گل ملاح ۽ ٻين سينيئر پوليس عملدارن ۽ سياسي سماجي اڳواڻن توڙي علائقي واسين وڏي انگ ۾ شرڪت ڪئي جڏهن تہ شهيد اي ايس آئي کي ايس ايس پي خيرپور جي اڳواڻي ۾ پوليس اهلڪارن پاران سلامي پيش ڪئي وئي ۽ ايس ايس پي پاران شهيد جي مڙھ تي گلن جي چادر چاڙهي وئي جڏهن تہ شهيد اي ايس آئي جون آخري رسمون ادا ڪيون پيون وڃن جنهن بعد سندس مڙھ ڪجھ دير ۾ اباڻي قبرستان پير علي شير ۾ مٽي ماءُ حوالي ڪيو ويندو ياد رهي تہ گذريل رات دير سان ڳوٺ گل محمد ڄامڙو ۾ ڄامڙا برادري جي ٻن ڌرين جي هلندڙ ڇڪتاڻ ۾ اي ايس آئي امير بخش سوڍڙو کي گوليون هڻي شهيد ڪيو ويو هو جڏهن تہ ايس ايس پي خيرپور موجب جلد شهيد اي ايس آئي جو ڪيس داخل ڪري جوابدارن جي گهرن تي چڙهائي ڪري مورچا ختم ڪرايا ويندا ۽ جوابدارن کي گرفتار ڪيو ويندو ۽ شهيد جو خون رائيگان نہ ٿيڻ ڏينداسين