سجاول ويجهو ٻڍي ٽالپر ۾ بس جي ٽڪر سبب 2 نينگر فوت

views | 07th Oct 2023 • سنڌي خبرون

حادثي ۾ 8 ورھين جو يامين جسڪاڻي ۽ حبدار جسڪاڻي فوت ٿي ويا

سجاول (ڊر) سجاول ويجهو ٻڍي ٽالپر ۾ بس جي ٽڪر سبب 2 نينگر فوت 8 سالا نينگر يامين جسڪاڻي حادثي سبب ٿڏي تي چيڀاٽجي فوت جڏھن ته زخمي ٿيل حبدار جسڪاڻي رستي ۾ دم ڏنو فوتي نينگر رستي تان پيادل وڃي رھيا ھئا ته کين بس جو ٽڪر لڳو سجاول ويجهو بدين روڊ تي ٻڍي ٽالپر ۾ تيز رفتار اي سي ڪوچ بس روڊ جي ڀرسان ويندڙ ٻن معصوم ڇوڪرن مٿان ڇڙھي وئي جنهن سبب 8 سالا نينگر يامين ولد صالح محمد جسڪاڻي ٿڏي تي چيڀاٽجي فوت ٿي ويو جڏھن ته 10 سالا حبدار پٽ جمعون جسڪاڻي شديد زخمي ٿي پيو جنهنکي مقامي رھواسين ھڪدم سجاول اسپتال منتقل ڪيو جتان کيس وڌيڪ اعلاج لاء ڪراچي روانو ڪيو ويو جيڪو زخمن جا سور نه سهندي رستي ۾ فوت ٿي ويو ٻنهين فوتين جا لاش ضروري ڪاروائي بعد وارثن حوالي ڪيا ويا