نادر مگسي جي سياست ختم ٿي وئي، ام رباب چانڊيو جا ڀائر منشيات فروش ۽ نادر مگسي سندن سرپرست آھي، سردار خان چانڊيو

نادر خان مگسي ۽ سردار چانڊيو وچ ۾ اختلاف سامھون اچي ويا

شھدادڪوٽ: نادر خان مگسي پاران چانڊيا ڀائرن مٿان مقتول غلام سرور چانڊيو جي قتل ڪيس ڦاسائڻ واري الزام بعد چانڊيا ڀائر ۽ مگسي آمهون سامهون اچي ويا آهن .
قمبر جي اڳوڻي پ پ پ ايم پي اي سردار خان چانڊيو ميڊيا سان ڳالهيندي چيو آهي ته مير نادر مگسي جو قتل ڪيس ۾ نالو مقتول غلام سرور چانڊيو جي نياڻي قرآن پاڪ مٿي تي کڻي چئي رھي ھئي ته منهنجي پي غلام سرور چانڊيو کي نادر مگسي قتل ڪرايو آهي قرآن پاڪ تي مير نادر مگسي کي يقين نه ٿو اچي انهيَ ۾ اسان جو ڪھڙو قصور آهي .
ام رباب چانڊيو جا ڀائر مشھور منشيات فروش آهن سڀني کي خبر آهي
مير نادر مگسي جي سرپرستي ۾ ام رباب چانڊيو جا ڀائر ميھڙ ۾ منشيات ھلائيندا آهن منشيات فروشن کي مير نادر مگسي جي سپورٽ ۽ حمايت حاصل آهي .
ام رباب چانڊيو جي ٿيل خونن ۾ اسان جا نالا ڪيس ۾ ڏيڻ لاء مير نادر مگسي رات جو اڍائي وڳي مون کي آمريڪا مان ميسيج ڪري ٻڌايو ته ميھڙ واقعي ۾ توهان ڀائرن جا نالا ڪيس ۾ ڏنا پيا وڃن
ھي ھڪ وڏو سوال آهي ته رات جو اڍائي وڳي آمريڪا ۾ مير نادر مگسي کي ڪير پيو ٻڌائي ۽ ڄاڻ پيو ڏي اسان سڀ کي خبر آهي ۽ سمجهون ٿا ته ام رباب چانڊيو سان ڪير رابطي ۾ ھيو ۽ آهن .
ميھڙ ۾ قتل ٿي ويل غلام سرور چانڊيو وارا اسان جا ملازم رھيا آهن ۽ اسان جي راڄ جا ماڻهو آهن ظاهر آهي
اسان پنهنجي راڄ وارن وٽ وينداسين انهن جو ماڻهو قتل ڪيو ويو اسان انهن جي تڏي تي وياسين ته اسان ڏوھي ٿي وياسين
اسان پنهنجي راڄ جي ماڻهن جي مدد ڪندا رھنداسين اسان جو تڏي تي وڃڻ مير نادر مگسي کي پسند نه ٿو اچي ته اھو سندس انهيَ جي سوچ آهي .
مير نادر خان مگسي جي سياست ھاڻي ختم ٿي وئي آهي مير نادر مگسي ذاتيات تي اچي اسان مٿان ڪوڙا الزام ھڻي رھيو آهي .