پوليس اٽالن گھر تي ڪاھھ ڪري بيگناھھ کنڀي تشدد جو نشانو بڻايو: تپيدار دلمراد دشتي

پوليس ڊي ايس پي محمد صادق اوڍو جي اڳواڻي ۾ اي پي سي چين سميت ڳوٺ ڊکڻ بنگلي ۾ گھر تي ڪاھھ ڪئي

ڪشمور(دلبر جاني)ڪشمور لڳ ڊکڻ بنگلو جي رهواسي تپيدار دلمراد دشتي عوامي ميڊيا سينٽر ڪشمور پهچي پوليس خلاف پريس ڪانفرنس ڪندي ٻڌايو ته خميس 10/08/2023 تي مون کي گهر مان فون آيو ته ڪشمور پوليس جي وڏي تعداد ۾ پوليس موبائلن اي پي سي چين سان گڏ پوليس ريٽ ڪيو آ ۽ مان ڪشمور آفيس ۾ ڊيوٽي تي هيس ته اتان مون پنهنجي آفيسر کي اطلاع ڪري ڳوٺ ڊکڻ بنگلي گهر پهتس، جتي ڊي ايس پي محمد صادق اوڍو، ايس ايڇ او ليمون لاشاري، وڏو منشي سکيو ملڪ مون کي گرفتار ڪري تشدد ڪيو، منهنجي بار بار پڇا ڳاڇا ڪرڻ تي ڊي ايس پي ٻڌايو ته ليمون لاشاري کي سڄي معاملي جي خبر آهي جڏهن مون کي مختلف هنڌن تي رکيو ويو ۽ ايس ايڇ او ليمون لاشاري ٻڌايو ته لاشاري قتل واري واقعي تي مٿس دٻاءُ آهي،منهجي گهر مان لائسنسي رائفل کڻي آئي فون موبائيل کڻي ويا مون کي هڪ مهيني تائين مختلف هنڌن تي يرغمال رکيو ويو /29 08/2023/ تي منهنجي پٽ محمد علي کان 11 لک رپيا وٺي مون کي 08/09/2023 جي رات 2 وڳي مون کي ايس ايڇ او ليمون لاشاري پنهنجي ڳوٺ ڊکن بنگلي ۾ ڇڏيو، مون هاءِ ڪورٽ سيشن ڪورٽ ۾ درخواست داخل ڪرائي آهي. جنهن تي عدالت ۾ ايس ايڇ او ليمون لاشاري هيڊ محرر سکيو ملڪ مون کي بار بار فون ڪري تنگ ڪري هراسمينٽ ڪري رهيا آهن ڪيس واپس وٺڻ لاءِ چيو وڃي ٿو ٻي صورت ۾ توهان جو نالو پراڻي ڪيس ۾ داخل ڪرائينداسين، رات جي وقت به ڪشمور پوليس جي موبائيل ۾ ملبوس اهلڪارن مونکي گرفتار ڪرڻ جي ڪوشش ڪئي پئي وڃي پر مون کي گرفتار ڪرڻ ڪامياب نه ٿي سگهيا مان چيف جسٽس آف پاڪستان، آءِ جي سنڌ ڊي جي آءِ جي لاڙڪاڻو ايس ايس پي ڪشمور ۽ پنهجي روينيو کاتي کي اپيل ٿو ڪيان ته مون کي انصاف ڏياري تحفظ فراهم ڪيو وڃي.