گمبٽ ۾ پيپلز يوٿ شھيد ڀٽو طرفان وڌندڙ بدامني خلاف احتجاجي مظاھرو

عبيدالله ناريجو، ارشاد ناريجو، شھزاد گوپانگ ايڊوڪيٽ جھانگير ميمڻ ۽ ٻين جي اڳواڻي ۾ احتجاج

گمبٽ ( زوھيب سمون) پيپلز يوٿ شھيد ڀٽو طرفان گمبٽ ۾ بدامني خلاف سخت احتجاج ڪيو ويو، احتجاج جي اڳواڻي پيپلز يوٿ شھيد ڀٽو سکر ڊويزن جي آرگنائيزر ڀائو عبيدالله ناريجو خيرپور ضلعي جي صدر ارشاد ناريجو، تعلقي گمبٽ جي صدر شھزاد گوپانگ ايڊوڪيٽ جھانگير ميمڻ، سماجي اڳواڻ نعمت الله شيخ ڪئي ، اڳواڻن موقف ڏيندي چيو ته گمبٽ مڪمل طور بدامني جي ور چڙھي ويو آھي ڏوھ ڌارا چوريون روز جو معمول بڻجي ويون آھن پوليس امن ڪرائڻ ۾ مڪمل ناڪام بڻيل آھي، گمبٽ ۾ اقليتي برادري به غير محفوظ آھي تازو گمبٽ شيخ چوڪ تي دوڪاندار برج لعل ديوان کان آساني سان ھٿيارن جي زور تي ڦر ڪئي وئي آھي پوليس جي ناڪامي ۽ سستائپ سبب ڦورو ديداديلري سان ڌاڙو ھڻي نڪري ويا، اڳواڻن مطالبو ڪندي چيو ته گمبٽ ۾ امن ڪرايو وڃي ڏوھن تي ڪنٽرول ڪيو وڃي جنھن جا به ڏوھ ٿيل آھن اھي رڪور ڪرائي ڏوھاري کي سخت کان سخت سزا ڏني وڃي اڳواڻن وڌيڪ بيان ڏيندي چيو ته اگر ڏوھ رڪور نه ڪيا ويا ۽ شھر ۾ امن نه ٿيو ته پوليس خلاف سخت تحريڪ ھلائي ويندي.