ٻارڙي فاطمه ڦرڙو قتل ڪيس ۾ روپوش جوابدار حنا شاهه گرفتاري پيش ڪري ڇڏي

218 views | 26th Sep 2023 • سنڌي خبرون

جوابدار اسد شاهه ۽ سهولتڪار امتياز ميراثي 9 ڏينهن جي جسماني رمانڊ تي پوليس حوالي

راڻيپور حويلي ۾ تشدد ڪري ماريل ٻارڙي فاطمه ڦرڙو جي قتل ڪيس ۾ روپوش جوابدار حنا شاهه گرفتاري پيش ڪري ڇڏي، ايس ايس پي خيرپور سميع الله سومرو چيو آهي ته پوليس جي دٻاءَ کانپوءِ حنا شاهه پاڻمرادو گرفتاري ڏئي ڇڏي، حنا شاهه کي سڀاڻي خيرپور جي دهشتگردي ٽوڙ عدالت ۾ پيش ڪيو ويندو، حنا شاهه فاطمه قتل ڪيس جي مک جوابدار اسد شاهه جي گهر واري ۽ فياض شاهه جي نياڻي آهي، حنا شاهه فاطمه قتل ڪيس ۾ گذريل مهيني سنڌ هاءِ ڪورٽ سکر بئنچ مان 7 ڏينهن جي حفاظتي ضمانت حاصل ڪرڻ بعد عدالت ۾ پيش نه ٿي هئي، خيرپور پوليس پاران کيس روپوش قرار ڏنو ويو هو، قتل ڪيس ۾ گرفتار جوابدار اسد شاهه ۽ سهولتڪار امتياز ميراثي 9 ڏينهن جي جسماني رمانڊ تي پوليس حوالي، پوليس ٻنهي جوابدارن کي دهشتگردي ٽوڙ عدالت آڏو پيش ڪري 14 ڏينهن جي جسماني رمانڊ جي استدعا ڪئي