قمبر: ڪراچي کان شهدادڪوٽ فوتگي تي ويندڙ نوجوان زال ۽ ٻارڙن آڏو قتل

280 views | 26th Sep 2023 • سنڌي خبرون

هٿياربندن گوليون هڻي مختيار چانڊيو کي قتل ڪري ڇڏيو

قمبر ۾ ڪراچي کان فوتگي تي شهدادڪوٽ ويندڙ نوجوان کي هٿياربندن پاران گهرڀاتين آڏو قتل ڪيو ويو، مقتول مختيار چانڊيو جي گهرواري جو چوڻ آهي ته سندس ڀيڻيوي جي لاڏاڻي تي ڪراچي کان قمبر پهتاسين جتان ٽيڪسي تي شهدادڪوٽ ويندي رستي ۾ هٿياربندن آڏو ويٺل سندس مڙس مختيار کي معصوم ٻارڙن سميت گوليون هڻي قتل ڪري ڇڏيو، پوليس جو چوڻ هو ته واقعو چانڊيا برادري جي ٻن ڌرين ۾ پراڻي تڪرار تان پيش آيو آھي، وڌيڪ جاچ ڪيون پيا، مقتول جي گهرواري جو چوڻ آهي ته اصل ڊکڻ جا رهواسي آهيون، جهيڙن سبب ڳوٺ ڇڏي ڪراچي ۾ رهائش اختيار ڪئي، اڄ فوتگي تي ويندي سندس مڙس کي ٻارڙن آڏو قتل ڪيو ويو