ڪراچي ۾ افضل لنڊ جي قاتلن جي گرفتاري لاءِ سنڌي اتحاد ڪراچي پاران احتجاج

ايوب ڳوٺ پوليس چونڪي کان لياري ندي تائين ريلي ڪڍي احتجاجي مظاهرو ڪيو ويو

گڏاپ (رپورٽر )ڪراچي شھيد افضل لنڊ جي قاتلن جي گرفتاري لاءِ سنڌي اتحاد ڪراچي پاران ايوٻ ڳوٺ پوليس چونڪي کان لياري ندي تائين احتجاجي ريلي ڪڍي احتجاجي مظاهرو ڪيو ويو. تفصيل موجب. سنڌي اتحاد ڪراچي ڊويزن پاران سنڌ جي ڳڀرو نوجوان ۽ قومي ڪارڪن شھيد افضل لُنڊ جي قاتلن جي گرفتاري ۽ انھن کي عبرتناڪ سزا ڏيارڻ لاء شاھد علي عباسي. عرفان سولنگي. اختيار شر. اختر علي چنہ.عمران جويو. سھيل چانڊيو. علي مردان جتوئي. معروف بوزدار. جبار سولنگي. ساحل عباسي. خالد سومرو. محمد يوسف چانڊيو. آصف ڪاٺياواڙي ۽ ٻين جي اڳواڻي ۾ ايوب ڳوٺ پوليس چونڪي کان لياري ندي تائين احتجاجي ريلي ڪڍي مظاهرو ڪيو ويو. مظاھري ۾ شامل نوجوانن شھيد افضل لنڊ جي قاتلن جي گرفتاري لاء بينر کڻي سخت نعري بازي ڪئي. ان موقعي تي اڳواڻن جو چوڻ هو ته شھيد افضل لنڊ يونيورسٽي جو شاگرد هو، کيس بيگناهه قتل ڪيو ويو آهي. حڪومت ۽ پوليس اهو چئي جان ڇڏائي ڇڏن ٿيون ته ذاتي دشمني هئي جيڪو سراسر ڪوڙ تي ٻڌل آهي هٿ وٺي ڪري سنڌ جي نوجوانن ۽ شعور کي قتل ڪيو پيو وڃي. ھنن چيو ته معاملي جي صاف شفاف انڪوئري ڪري واقعي جون اصل حقيقتون سامهون آڻي قاتلن, سهولتڪارن ۽ سرپرستن کي وائکو ڪيو وڃي.