شڪارپور ۾ سوين ھارين ۽ نارين جو ماحولياتي انصاف مارچ,سڄي شھر جو گشت

امير ملڪن کان موسمياتي تبديلين سبب متاثر ٿيندڙ پاڪستان سميت غريب ملڪن جي ازالي جو مطالبو

شڪارپور (احسان ابڙو) شڪارپور ۾ سوين ھارين ۽ نارين جو ماحولياتي انصاف مارچ,سڄي شھر جو گشت,پريس ڪلب اڳيان وڏو احتجاج ڪيو ويو،نعرا,امير ملڪن کان موسمياتي تبديلين سبب متاثر ٿيندڙ پاڪستان سميت غريب ملڪن جي تلافي جو مطالبو ڪيو ويو,ھارين جي حقن خاطر جدوجهد تيز ڪرڻ جو اعلان,رپورٽ موجب:ھاري جدوجھد ڪميٽي,پاڪستان ڪسان رابطا ڪميٽي ۽ پاڪستان ريلوي ورڪرز يونين جي سڏ تي گذريل ڏينهن شڪارپور ۾ پاڪستان ڪسان رابطا ڪميٽي جي مرڪزي جنرل سيڪريٽري فاروق طارق,سيم رائو,مجيب پيرزادو,شائسته بلوچ,سيد عبدالقادر شاه امروٽي,نعيم ٻرڙو,گلزار کوسو,علي کوسو,رفعت مقصود,ضيغم عباس,صائمه ضياء,عاشق ڊومڪي ۽ بين جي اڳواڻي ۾ سوين ھارين ۽ نارين پاران جھاز چوڪ کان ھڪ وڏو ماحولياتي انصاف مارچ ڪيو جيڪو شھر جو گشت ڪرڻ بعد شڪارپور پريس ڪلب پھتو جتي شريڪ سوين ماڻهن نعريبازي ڪندي مطالبو ڪيو ته دنيا جا امير ملڪ پاڪستان پاران ٻوڏ متاثرن جي امداد جا واعدا فوري طور پورا ڪن ۽ سنڌ حڪومت ٻوڏ ۽ برساتن جي متاثرن سميت سمورن بي زمين هارين ۽ ننڍن زميندارن کي معاوضو ڏئي ٻوڏ متاثرن جي گهرن جي تعمير لاءِ 75 هزار رپين بدران گهٽ ۾ گهٽ ڏھ لک في گهر لاء ڏنا وڃن،ھنن چيو ته فوسل فيول مان بجلي جي پيداوار بند ڪئي وڃي ۽ بجلي بحران کي حل ڪرڻ لاء هر گهر کي سولر پينل لڳائڻ لاءِ 5 لک رپيا ڏنا وڃن,ھنن چيو ته امير ملڪ پنهنجي واعدن جي خلاف ورزي ڪري رهيا آهن ڇو ته پاڪستان ۾ ٻوڏن ۽ برساتن سبب ٿيل تباهي عالمي سطح تي افسوسناڪ آهي تنهن ڪري دنيا جا امير ملڪ سي او پي 27 ۾ ٿيل معاهدي موجب پاڪستان کي فوري طور تي 10 ارب ڊالر ادا ڪن ۽ پاڪستاني حڪومت ان رقم سان سمورن ٻوڏ متاثرن جي فوري بحالي لاءِ قدم کڻي,ھنن چيو ته سنڌ ۾ بي زمين هارين کي معاوضي واري لسٽ مان ڪڍڻ سراسر ناانصافي ۽ استحصال آهي تنهن ڪري هارين جي نقصان جو فوري ازالو ڪيو وڃي،هنن چيو ته رڪ پمپنگ اسٽيشن ڳڙهي ياسين کي فوري طور تي 24 ڪلاڪ هلائڻ شروع ڪري اتان جاگيرداري نظام ختم ڪيو وڃي ۽ بي زمين هارين ۾ مفت زمينون ورهايون وڃن،ھنن چيو ته شڪارپور ۾ ريلي ڪڍي ماحولياتي انصاف جو مطالبو ڪرڻ آيا آهيون ته اسان جي نقصان جو فوري طور تي تلافي ڪئي وڃي,سندن چوڻ ھو ته پورهيت عوام کي منظم ڪري جاگيرداري نظام جو خاتمو آڻي سگهجي ٿو ڇو ته سنڌ جا ٻوڏ متاثر اڄ به ڪئمپن ۾ آهن پر حڪومت انهن کي گهر ٺاهڻ بدران صرف قسطن ۾ ٽي لک ڏيڻ جو اعلان ڪيو آهي جڏهن ته هن مهانگائي جي دور ۾ ٽن لکن ۾ حڪومت جي اسٽيمينٽ تي ھڪ ڪمرو ٺاھڻ به ناممڪن ناهي آهي،اڳواڻن چيو آهي ته ماحولياتي انصاف هڪ بنيادي انساني حق آهي ۽ ان نقطه نظر کان گذريل صديءَ جي صنعتي ترقي ۽ سرمائيداري مان واضح ٿئي ٿو ته امير ملڪ خاص طور تي اتر آمريڪا ۽ يورپ بنيادي انساني حقن کي وڏي دولت ۽ ترقي جي تعاقب ۾ پامال ڪيو ويو آهي,ھنن وڌيڪ چيو ته ماحولياتي تباهي جا ذميوار امير ملڪ آهن پر افسوس ته ان تباهي جو شڪار غريب ملڪن جا غريب ماڻهوَ ٿيا آهن تنهن ڪري امير ملڪن جي اها ذميواري آهي ته هو غريب ملڪن کي ماحولياتي تباهي سبب ٿيندڙ نقصانن جي تلافي ڪن.